नारायणकाजिले यस्तो भनेपछि प्रचण्ड तनाबमा

नेकपा माओवादी केन्द्रका अध्यक्ष पुष्पकमल दाहाल प्रचण्डलाई पार्टी प्रवक्ता नारायणकाजी श्रेष्ठले पदबाट राजीनामा दिने धम्की दिएका छन् । आइतबार बसेको स्थायी समिति बैठकमा श्रेष्ठले पार्टी प्रबक्तबाट राजीनामा दिने ।धम्की दिएका हुन् ।

खासगरी गठबन्धनको सरकार बनेपछि शक्तिशाली मन्त्रालय ताकेका श्रेष्ठलाई प्रचण्डले ब्रेक लगाएपछि उनीहरूबीच सम्बन्ध चिसिएको थियो । त्यसपछि बोलचाल नै बन्द भएको स्रोत बताउँछ ।

ब्मक द्यथ ब्मmबलब
आफूलाई छोडेर जनार्दन शर्मा र पम्फा भुसाललाई सरकारमा पठाएपछि उनले प्रचण्डसँग असन्तुष्टि जनाएका थिए । नारायणकाजीले पछिल्लो समय बेइमानी गरेको भन्दै प्रचण्डले सरकारमा पठाउन चाहेका छैनन् ।

तर नारायणकाजी भने मरिहत्ते गरिरहेको बुझिएको छ । प्रचण्डसँग रुष्ट बनेका उनले केहिदिन अगाडी राष्ट्रिय सभाको बैठकमा समेत असन्तुष्टि पोख्दै पूर्वप्रधानमन्त्री केपी ओलीको प्रसंशा गरेका थिए ।

उनले राष्ट्रिय सभामा संसद विघटनको दोषी ओली मात्र नभएको बताएका थिए । उनले घुमाउरो पारामा यसको दोषी प्रचण्डपनि भएको संकेत गरेका थिए । राष्ट्रिय सभाको उक्त भाषणपछि नारायणकाजीलाई प्रचण्डले फोनमै थर्काएका थिए ।

त्यसपछि उनीहरूबीच अहिले पानी बाराबारको अवस्था आएको बताइएको छ । अहिले उनको हिमचिम ओलीसंग भैरहेको बुझिएको छ। दुई जनाको सम्वन्ध बिग्रिएपछि श्रेष्ठ प्रवक्ताबाट हट्न चाहेको र आफूले राजिनामा दिने बताएका छन्।

आइतबार पार्टी कार्यालय पेरिसडाँडामा बसेको माओवादी केन्द्रको स्थायी कमिटि बैठकमा श्रेष्ठले आफूले प्रवक्ता छोड्ने बताएका हुन् । स्थायी कमिटी बैठकमा श्रेष्ठले आफ्नो पदलाई निरन्तरता दिन नचाहेको भन्दै नेतृत्वप्रति असन्तुष्टि जनाएका थिए ।

श्रेष्ठलाई प्रचण्डले आवेशमा निर्णय नगर्न आग्रह गरेका थिए । तर श्रेष्ठले भने कुनै हालतमा पदमा नबस्ने बताएका थिए । एक स्थायी कमिटी सदस्यले भने, ‘नारायणकाजी अध्यक्षसँग फायर हुनुभएको रहेछ, कुनै हालतमा प्रवक्ता बस्दिनँ भन्नुभयो, तर प्रचण्डले अहिले होइन अर्को बैठकसम्म नआत्तिनुस भन्नुभएको छ।’