काग्रेस नेताले भने ‘प्रचण्ड देउवाको कार्यकर्ता हो, पार्टी प्रवेश गर्न मात्रै बाँकी छ !’

निर्वाचन सकिए सँगै अब सरकार गठनको कसरत सुरु भएको छ । अब बन्ने सरकार कस्तो बन्ला र कसको बन्ला भन्ने चासो व्यापक रुपमा सुरु भएको छ । प्रमुख प्रतिपक्षी दल नेकपा एमाले विरुद्ध पाँच दलीय गठबन्धन गरेर चुनावमा गएका दलहरुको विचको सम्बन्ध चिसिँदै गएको छ ।

पाँच दलीय गठबन्धन गरेर निर्वाचनमा जाँदा पनि सरकारी गठबन्धनलाई बहुमत पुर्याउन हम्मेहम्मे पर्ने देखिएको छ । सरकार बनाउन आवश्यक संख्यानै नपुग्ने देखीए पछि सिके राउत र रेशम चौधरीको सहयोग माग्दै गठबन्धनका नेताहरुको कुदाकुद सुरु भएको छ ।

यता गठबन्धनका प्रमुख दलहरु नेपाली काग्रेस र नेकपा माओवादी केन्द्र विचको सम्बन्धमा पनी चिसोपना देखिन थालेको छ । एकले अर्कालाई स्विकारनै गर्न नसक्ने अवस्थामा दुई पार्टीका नेताहरु पुग्न थालेका छन् । सार्वजनिक रुपमै एकले अर्काको उछितो काड्न थालेका छन्।

माओवादी केन्द्रका नेताहरुले चुनावमा धोका दिएको आरोप लगाएका छन् भने काग्रेसका नेताहरुले प्रचण्डलाई प्रधानमन्त्री बनाउन नहुने बताइरहेका छन् । जसरी पनि प्रधानमन्त्री बन्ने खेलमा लागेका प्रचण्ड काग्रेसले प्रधानमन्त्री नदिने बुझे पछि पिरोलिएका छन् ।

कुनै पनि हालतमा प्रचण्डलाई प्रधानमन्त्री बनाउन नहुने आवाज नेपाली काग्रेस भित्र दरिलो रुपमा उठ्न थालेको छ । प्रधानमन्त्री नदिएमा प्रचण्ड केपी ओलीसँग मिल्न जान्छन् भने जान दिनु पर्ने तर कुनै पनी हालतमा तेस्रो पार्टीलाई सरकारको नेतृत्व दिन नहुने कुरा काग्रेसमा जोडतोडले उठिरहेको छ ।

नेपाली काग्रेसका युवा नेता बावुराम आचार्यले नेकपा माओवादी केन्द्रका अध्यक्ष पुष्पकमल दहाल प्रचण्डलाई देउवाको कार्यकर्ता भनेका छन् । अहिले माओवादी केन्द्रका सबै नेताहरु काग्रेसको कार्यकर्ता भएको भन्दै उनले प्रचण्ड काग्रेस प्रवेश गर्न मात्रै बाँकी रहेको र अरु हिसाबले काग्रेसनै भइसकेको बताएका छन् ।

पार्टी प्रवेश नगरीकन विश्वास गर्न सक्ने अवस्था नभएको भन्दै नेता आचार्यले प्रचण्ड काग्रेस पार्टी प्रवेशनै गरेको अवस्थामा सोच्न सकिने तर अहिलेको अवस्थामा विश्वास गरेर प्रधानमन्त्री दिन नसकिने बताएका छन् । ओलीसँग मिल्न गएमा पनि केही फरक नपर्ने उनले भनेका छन् ।

ओटिभी नेपाल डटकम सँगको कुराकानीमा आचार्यले काग्रेसले अहिले सके सरकारको नेतृत्व गर्ने नसके प्रतिपक्षमा बस्नु पर्ने भनेका छन् । बरु प्रतिपक्षमा बस्न काग्रेस तयार छ तर कुनै पनी हालतमा प्रचण्डलाई प्रधानमन्त्री दिन तयार छैन। उनले भनेका छन् ।

माओवादीसँग गठबन्धन गरेर चुनावमा जानाले काग्रेसलाई झनै घाटा भएको भन्दै उनले एकल एकल प्रतिष्पर्धामा गएको भए अहिलेको भन्दा धेरै सिट काग्रेसले जित्ने थियो भन्ने दाबी गरेका छन् । चुनावको उम्मेदवारी दर्ता गर्ने केहि दिन अघि गठबन्धन टुटेको घोषणा गरेको भए सबै भन्दा गजब हुने थियो भन्ने तर्क पनि उनले गरेका छन् ।

समसामयिक बिषयलाई केन्द्रमा राखेर ओटिभी नेपाल डटकमले नेपाली काग्रेसका युवा नेता बावुराम आचार्यसँग गरेको भिडियो कुराकानी हेर्नुहोस्