एक्लै भए पनि पार्टी फुटाउँछु भनेर किन हौसिए माधव नेपाल? भित्री कुरो यस्तो पो

नेकपा एमालेलाई विभाजन गराएर नयाँ पार्टी नै खोल्ने हद सम्म माधव नेपाल किन पुगे होला? धेरै लाई मनमा यहि प्रश्न र जिज्ञासा रहेको छ ।

माधव नेपालले नेकपा एमाले विभाजन गराउँनका पछाडी बहुआयामिक कारणहरु हुन सक्छन् त्यस मध्येको सबैभन्दा प्रमुख कारण शेरबहादुर देउवा र प्रचण्डले देखाएको प्रधानमन्त्रीको ललिपप प्रमखु कारण रहेको चर्चा चल्न थालेको छ ।

स्रोतको दावी अनुसार सानोतिनो ललिपपले माधव नेपाल एमाले फुटाउन तयार नभए पछि आगामी निर्वाचन भन्दा अगाडी नै प्रधानमन्त्री शेरबहादुर देउवाले राजिनामा दिने र माधव नेपाललाई प्रधानमन्त्री बनाएर चुनावी सरकार बनाउँने सम्मको सहमती भएको छ ।

केही समय अघि ओटीभी नेपाल सँगको कुराकानीमा पुर्वमन्त्री समेत रहेका एमाले नेता लालवावु पण्डितले शेरबहादुर देउवा, प्रचण्ड र माधव नेपालका विचमा आलोपालो प्रधाानमन्त्री बन्ने भन्ने बिषयमा लिखीत सहमतीनै भएको दावी गरेका थिए ।

आफुलाई साथ दिँदै आएका अधिकांश चर्चित नेताहरु कसैले पनि साथ नदिएको , कार्यकर्ता तह बाट पनी पार्टी विभाजन नगराउन व्यापक दवाव आएको, पार्टी अध्यक्ष केपी ओलीले पनि उनीहरुले माग गरे अनुसारकै जेठ २ गतेकै अवस्थामा जान सहमती गरेको अवस्थामा माधव नेपालले किन पार्टी फुटाए त नत्र भन्ने पेचिलो प्रश्न बनेको छ ।

उनले २०७९ सालमा सरकारकै नेतृत्व पाउने गरी भित्री सहमति भएको विश्वस्त स्रोतले बताएको छ । यसले उनलाई पार्टी विभाजनको जोखिम मोल्न हौसाएको बुझिएको छ ।

नेपाली काँग्रेसका सभापति शेरबहादुर देउवालाई प्रधानमन्त्री बन्न बारम्बार आग्रह गरेर मनाएका नेता नेपालले भद्र राजनीतिक सहमति समेत गरेको बुझिएको छ । जस अनुसार आउँदो आमनिर्वाचन गराउँदा सरकारको नेतृत्व उनले गर्ने विषय छ । यसमा नेकपा माओवादी केन्द्रका अध्यक्ष पुष्पकमल दाहाल प्रचण्ड पनि साक्षी रहेको स्रोतले बतायो ।

२०७९ सालको सुरुमा हुने स्थानीय तहको चुनाव देउवा सरकारले गराउने र त्यसपछि उनले राजीनामा दिएर माधवकुमार नेपाललाई समर्थन गरेर प्रधानमन्त्री बनाउने सहमति विगतमा नै भएको छ । यसकारण आफूलाई नेपाली काँग्रेस र नेकपा माओवादी केन्द्रले साथ दिएमा भविष्यमा बहुमत पुग्ने गरी २९ सांसदसहित माधव नेपाल ढुक्कले बसेका छन् ।

हाल प्रतिनिधि सभामा रहेका २६७ सांसद रहेकोमा बहुमतका लागि १३४ सांसद आवश्यक पर्छ । काँग्रेसका ६१, माओवादी केन्द्रका ४९ गरी ११० पुग्छ । माधव नेपालको साथमा २९ प्रतिनिधि सभाका सांसद रहेकाले बहुमत पुग्छ । त्यतिबेला उपेन्द्र यादवले साथ नदिएपनि केही फरक पर्दैन ।

स्थानीय चुनावमा अनौपचारिक तालमेल गर्ने सहमति समेत देउवा र प्रचण्डसँग माधव नेपालले गरिसकेका छन् । प्रचण्डसँग औपचारिक तालमेलको कुरा पनि छ । आगामी आमनिर्वाचनमा प्रधानमन्त्री बन्ने र प्रचण्डलगायतका शक्तिसँग तालमेल गरेर चुनावमा नतिजा राम्रो ल्याउने गरी माधव नेपालले रणनीति बनाएको बुझिएको छ ।

देउवा र प्रचण्डसँगको सहमतिका कारण पनि माधव नेपाल फुटको जोखिम मोल्न तयार भए । आफूनिकटस्थ हस्तीहरु भीम रावल, सुरेन्द्र पाण्डेलगायतले साथ छाड्दा पनि माधव नेपाल कठोर निर्णयका लागि बढ्नुमा यीनै सहमति कारण भएको बुझिएको छ ।

काँग्रेस महाधिवेशनमा इतर समूहको एकताबाट अप्ठ्यारोमा परेकाले देउवा पनि भद्र सहमतिका लागि तयार भएको बुझिएको छ । रामचन्द्र पौडेल समूहले पनि प्रधानमन्त्री बन्न दबाब दिएको र पदमा पुगेर महाधिवेशन गर्दा सहज हुने भएकाले पनि देउवा अगाडि बढेको बुझिएको छ । अब भद्र सहमति अनुसार राजनीतिक अगाडि बढेमा अर्को वर्षको असारसम्ममा माधव नेपाललाई प्रधानमन्त्रीको कुर्सी मिल्न सक्छ । उनैले चुनावको घोषणा गरेर बढ्न सक्छन् ।