माधव नेपालको मान्छेले बोल्ने ढंग नपुर्याउँदा प्रचण्डलाई तनाव

नेकपा एमाले विभाजन गराएर एकिकृत समाजवादी पार्टी दर्ता गराएका माधव नेपालका नेताले बोल्ने भाँती पुर्याउँन नसक्दा माओवादी केन्द्रका अध्यक्ष प्रचण्डलाई तनाव भएको छ ।

सत्ताका लागी एमाले विभाजन गराएको र एमाले फुटाएर प्रचण्डको पाउमा चढाउन खोजेको आरोप माधव नेपालमाथी सबैभन्दा धेरै लाग्दै आएको छ । यहि आरोपलाई बल पुग्ने गरि माधव नेपालका पार्टीका एक जिम्मेवार नेताले अभिव्यक्ति दिएका छन् ।

एमाले विभाजन हुनु भन्दा अघि माओवादी केन्द्रका अध्यक्ष पुष्पकमल दाहाल प्रचण्ड पटक पटक माधव नेपालको घरमा जाने गरेका थिए । प्रचण्डको कोटेश्वर गमनलाई चर्को आलोचना हुँदै आएको थियो । एमाले फुटाउनैका लागी माधव नेपाललाई उचाल्न उनी त्यहाँ जाने गरेको आरोप लाग्दै आएको थियो ।

बाहिर लाग्ने गरेको आरोपलाइनै पुष्टि हुने गरि आज निर्वाचन आयोगमा नेकपा एकिकृत समाजवादी पार्टी दर्ताका लागी सनाखन गरेर निस्कने बित्तिकै माधव नेपालका अन्यन्तै निकट नेता मेटमणी चौधरीले अभिव्यक्ति दिएका छन् ।

सनाखत गरेर बाहिर निस्कने वित्तिकै समाजवादी पार्टीका नेता मेटमणी चौधरीले चाँडैनै माओवादी केन्द्र सँग एकता गरेर आफ्नो पार्टी अगाडी बढ्ने बताएका छन् । उनले पार्टीको पहिलो कामनै माओवादी सँग एकता गर्ने रहेको बताए ।

नेकपा माओवादी केन्द्रलगायतका कम्युनिष्ट घटकसँग पार्टी एकता गर्ने तर एमालेसँग कुनै सहकार्य नहुने उनले बताए । निर्वाचन आयोगमा एकीकृत समाजवादीको सनाखत प्रक्रिया चलिरहँदा चौधरीले पत्रकारहरुसँग कुरा गर्दै आफूहरुले सोचेभन्दा धेरैको सनाखत भएको पनि बताए ।

चौधरीका अनुसार अहिलेसम्म ५५ जना केन्द्रीय सदस्य र २९ जना सांसदको सनाखत भइसकेको जानकारी दिए । उनले भने, ‘हामी चार महिनापछि यो मुलुकको सबैभन्दा ठूलो पार्टी बन्दैछौं ।’

कसरी ठूलो पार्टी बन्नुहुन्छ ? भन्ने पत्रकारको प्रश्नमा उनले वामएकताको आधार देखाए । ‘हामीले माओवादी केन्द्र, जनमोर्चादेखि विप्लव, मोहन वैद्यलगायतका पार्टीसँग एकताको प्रक्रिया अगाडि बढाइसकेका छौं । त्यो चाँडै सम्पन्न हुन्छ’ उनले भने । एमालेमा केपी ओलीको नेतृत्व छउञ्जेल कुनै प्रकारको सहकार्य नहुने चौधरीको भनाइ छ ।