प्रचण्डको ‘भाले’ बन्ने मिसनले यसरी खायो १० रेक्टरको धक्का

प्रमुख प्रतिपक्षी दल नेकपा एमाले भित्र नेकपा कालदेखी चलेको विवाद लामो कालखण्ड सम्म रहँदै एमाले विभाजन सम्म पुगेर समाप्त भएको छ ।

नेकपा एमाले विभाजन गर्दा माधव कुमार नेपालले जुन शक्तिका साथ एमाले विभाजन गराउँछन् होला भन्ने आम अनुमान रहेको थियो त्यसको ठिक विपरित सारै सानो हिस्सा मात्रै लिएर माधव नेपाल बाहिरिएका छन् ।

माधव नेपाललाई जीन्दगीभर साथ दिएका अन्यन्तै नजिकका ठूलो हिस्साले अन्तिममा उनको साथ छोडेको छ । विभाजनको ठोस औचित्य पुष्टि गर्न माधव नेपाललाई निकै कठिन हुने देखिन्छ किनभने उनले जे माग राखेर केपी ओली सँग असहमती राख्दै आएको थिए ती सबै मागहरु ओलीले पुरा गरिसकेका छन् ।

विभाजन एमालेको भए पनि यसमा नेकपा माओवादी केन्द्रका अध्यक्ष पुष्कमल दाहाल प्रचण्डलाई पुगेको धक्काका बारेमा राजनितिक बजारमा चर्चा सुरु भएको छ । प्रचण्डले जुन भोलुममा एमाले विभाजन गराउँन खोजेका थिए त्यसो हुन नसके पछि प्रचण्ड तनावमा रहको बताइन्छ ।

माओवादी केन्द्रका अध्यक्ष प्रचण्डले पटक पटक सार्वजनिक मंचबाट केपी ओलीलाई भित्तामा पुर्याइदिन्छु भन्दै भाषण दिएका थिए । पछिल्लो समय एमाले विभाजन अघि दैनिक जस्तो प्रचण्ड माधव नेपालको घरमा धाइरहेका हुन्थे ।

एमाले विभाजनमा सबैभन्दा ठूलो हात प्रचण्डको रहेको चर्चा या आलोचना हुने गरेको छ । त्यसो त हिजो दल दर्ताका लगी सनाखत गरेर बाहिरिने बित्तिकै माधव नेपालका पार्टीका नेताहरुले अब तत्काल माओवादी सँग एकता गर्ने बताएका थिए यस बाट पनि एमाले विभाजनमा मुख्य हात प्रचण्डको रहको बुझ्न सकिन्छ ।

लामो समय माधव नेपालको साथमा रहेका नेता भिम रावलले नेपाललाई साथ छोड्दै गर्दा सार्वजनिक रुपमै भनेका थिए प्रचण्ड लगायतको एमाले ढाल्ने रणनिती बुझे पछि म त्यो दौडबाट बाहिरिएको हुँ सबै कुराहरुको विश्लेषणका आधारमा भन्न सकिन्छ एमाले विभाजन माधव नेपालका लागी भन्दा बढि प्रचण्डका लागी आवश्यक थियो ।

राष्ट्रिय राजनितीमा अस्तिव रक्षाको लडाइ लडिरहेका प्रचण्डलले एमालेको ठूलो हिस्सा फुटाएर भाले भन्ने रणनिती बनाइरहँदा आफ्नोे मिसनमा धक्का लागे पछि अहिले हिस्स भएको चर्चा राजनितिक बजारमा चलिरहेको छ ।