माधव नेपालको पार्टीबाट मन्त्री बन्नेको फाइनल लिष्ट बाहिरियो , सबैभन्दा ठूलो चिठ्ठा विरोध खतिवडालाई

परमादेश बाट प्रधानमन्त्री बनेका शेरबहादुर देउवाले ल्याएको अध्यादेश बाट नेकपा एमाले फुटाएर नेकपा एकिकृत समाजवादी पार्टी दर्ता गरे पछि माधव कुमार नेपालले देउवा सरकारमा सहभागी हुने मन्त्रीको फाइनल लिष्ट तयार पारेका छन् ।

माधव कुमार अध्यक्ष रहेको एकिकृत समाजवादी पार्टीले ६ मन्त्रालय पाउँने भएको छ । भौतिक पूर्वाधार मत्रायल सहितका महत्वपूर्ण मन्त्रालयहरु एकिकृत समाजवादी पार्टीलाई दिन प्रधानमन्त्री शेरबहादुर देउवा तयार भएका छन् ।

उच्च स्रोतले ओटीभी नेपाललाई दिएको सुचना अनुसार एमाले विभाजन हुँदा मकवानपुर बाट निर्वाचित सांसद विरोध खतिवडालाई यो पटक चिठ्ठा पर्ने अवस्था देखिएको छ । भौतिक पूर्वाधार मन्त्रालयको चाबी विरोध खतिवडालाई दिन माधव कुमार नेपालले हरियो झण्डा देखाएका छन् ।

४ पटक सांसद भइसकेका खतिवडा यस पटक जीवनमै पहिलो पटक मन्त्रीका रुपमा झण्डा हल्लाउँदै सिंहदरबार प्रवेशको अन्तिम तयारीमा रहका छन् । खतिवडालाई भौतिक पूर्वाधार मन्त्री बनाउँन प्रधानमन्त्री देउवा र एकिकृत समाजवादीका अध्यक्ष माधव नेपाल विच सहमती भएको स्रोतको दावी छ ।

अध्यक्ष नेपालको पार्टीले सरकारमा माओवादी केन्द्रकै हैसियतमा स्थान पाउने भएको छ ।र यसका लागि यो पार्टीले मन्त्रालय र मन्त्रीको नामवाली प्रधानमन्त्री देउवालाई पठाउने तयारी गरेको छ । जसअनुसार विरोध खतिवडा, रामकुमारी झाँक्री,जीवनराम श्रेष्ठ, मेटमणि चौधरी र किसान श्रेष्ठसहित राज्यमन्त्रीमा माया ज्ञवाली सहभागी हुूँदैछन् ।

ज्ञवाली जीवराज आश्रीतकी पत्नी हुन् ।उपप्रधानसहित सरकारमा जाने बाग्रेनिङ गरिरहेको यो पार्टीको मागमा गठबन्धन तयार भए उपप्रधानसहित मुकुन्द न्यौपानेले नेतृत्व गर्नेछन् । न्यौपाने सरकारमा भित्रिदा मेटमणि चौधरी बाहिरीने सम्भावना छ ।तर माधव नेपालको दलले मान्यता पाइसक्दा समेत गठबन्धन भित्रका दल र प्रधानमन्त्री देउवाले हालसम्म मन्त्रीमण्डल विस्तारबारे तदारुकता देखाएका छैनन् ।यसले अझै केही दिन मन्त्रीमण्डल विस्तारमा गठबन्धन अल्झिने देखिएको छ ।

मन्त्रीमण्डल विस्तारका लागि गठबन्धनभित्रका दलहरुबीच भागबण्डा र संख्या अझै टुङगीएको छैन ।तथापी काँग्रेसबाट प्रधानमन्त्रीसहित ७, माओवादी केन्द्र, एकीकृत समाजवादी र जसपाले ५–५ मन्त्री र १–१ राज्यमन्त्री पाउने मोटामोटी सहमति देखिन्छ । तर मन्त्रालय बाँडफाँडलाई लिएर प्रधानमन्त्री देउवा नेतृत्वको काँग्रेसभित्रै समस्या देखिन्छ । वरिष्ठ नेता रामचन्द्र पौडेलले उपप्रधानसहित आफ्नो पक्ष सरकारमा जानुपर्ने दाबी गरेपछि देउवा दबाबमा छन् ।

यता गठबन्धनमै आवद्ध जसपाका अध्यक्ष उपेन्द्र यादवले भदौ १४ सम्म मन्त्रीमण्डल विस्तार रोकिदिन आग्रह गरेका छन् । जसले अबको केही समयमैगठबन्धनले मन्त्रीमण्डललाई पूर्णता दिन सम्भावना न्यून देखिएको छ