माधव नेपालमाथी लागेको सबै आरोप प्रमाणीत, लुकाउन खोज्दा खोज्दै आफ्नै मुखले खुस्काए सबै कुरा

विपक्षीको आडमा टेकेर नेकपा एमालेलाई कमजोर पार्ने र पार्टीको सरकार गिराउँने कामको नेतृत्व माधव नेपालले गरेका थिए भन्ने आरोप पुष्टि भएको छ ।

नेकपा एमाले विभाजन गराएर एकिृकत समाजवादी पार्टीको अध्यक्ष बन्ने वित्तिकै माधव कुमार नेपालले उनी माथी लाग्दै आएको आरोपलाई पुष्टि हुने अभिव्यक्ति दिएका छन् । नेपालको अभिव्यक्ति सँगै हिजो उनलाई साथ दिएका व्यक्तिहरु समेत झस्किएका छन् ।

एकिृकत समाजवादी पार्टीका अध्यक्ष रहेका नेपालले केपी ओलीलाई सत्ता बाट बाहिर निकाल्ने कामको नेतृत्व आफुले गरेको र अहिले आफ्नो मिसनमा सफल भएको बताएका छन् । नयाँ पार्टीको दर्ता प्रमाणपत्र प्राप्त गरेको भोलीपल्टै अध्यक्ष नेपालले यस्तो अभिव्यक्ती दिएका हुन् ।

सरकारमा ओलीको मनपरी चलेपछि मैले नै माओवादी अध्यक्ष पुष्पकमल दाहाल प्रचण्डसँग, उपेन्द्र यादवसँग, बाबुराम भट्टराईसँग र कांग्रेस सभापति शेरबहादुर देउवासँग कुरा गरेको थिएँु, उनले भने, ुउहाँहरूसँगको छलफलपछि ओली हटाउने जिम्मेवारी मलाई नै आएको थियो। त्यसको नेतृत्व पनि मैले नै गरेको थिएँ। नेपालले भेनेका छन् ।

नवौ महाधिवेशनमा पराजित भएको रिसले माधव नेपालले यस्तो गतिविधी गरिरहेको भन्ने आरोपलाई पनि नेपालले आफ्नै मुखले पुष्टि गरेका छन् । बोल्दै जाँदा उनले आफैंलाई पराजित गरेर अध्यक्ष बनेपछि ओलीले पार्टीमा मनपरी गरेको बताउँदै सरकारको नेतृत्वमा आएपछि पनि त्यही व्यवहार देखाएपछि हटाउने अभियान चलाइएको बताए।

उनले ओलीसँग कुनै किसिमको सहकार्य हुन नसक्ने बताउँदै एमालेबाट विद्रोह गरेर आउन पनि नेता कार्यकर्तालाई आग्रह गरे। ओलीको दक्षिणपन्थी गतिविधिकै कारण हामी नयाँ पार्टी खोल्न बाध्य भएका हौँु, उनले भने, ुहामी त्यस्ता दक्षिणपन्थीसँग कुनै सहकार्य गर्ने छैनौँ। हामी विचार मिल्ने शक्तिहरूसँग सहकार्य गर्न सक्छौँ।

माओवादी केन्द्र सँग भने तत्काल सहकार्य र एकता हुन सक्ने पनि नेकपा समाजवादी पार्टीका अध्यक्ष नेपालले बताएका छन् । ओली सँग कुनै हालतमा एकता र सहकार्य नहुने तर माओवादी केन्द्र र प्रचण्ड सँग तत्काल सहकार्य र एकता हुने अभिव्यक्ति बाट पनि माधव नेपालको बारेमा लाग्दै आएको आरोपहरु प्रमाणित भएको छ ।