केपी ओलीले ठोकुवानै गरेर गरे माधव नेपालको बारे यस्तो भविश्यवाणी

केपी ओलीले ठोकुवानै गरेर गरे माधव नेपालको बारे यस्तो भविश्यवाणीनेकपा एमालेका अध्यक्ष केपी ओलीले एमाले विभाजन गरेर एकिृकत समाजवादी पार्टी गठन गर्ने माधव कुमार नेपालका बारेमा ठोकुवानै गरेर नयाँ भविश्यवाणी गरेका छन् ।

ठूलो जोसका साथ नयाँ पार्टी खोलेर सिंगै अध्यक्ष बनेको २ दिन नबित्दै माधव नेपालका बारेमा ओलीले गरेको दावीका कारण नेपाललाई तनाव थपिएको छ । माधव नेपालाई आफ्नो घर जलाएर खरानीको व्यापार गर्न हिँडेको व्यापारी भन्दै ओलीले हमला गरेका छन् ।

अब कुनै पनि हालतमा माधव नेपालको राजनतितिमा कुनै स्पेश नभएको भन्दै एमाले अध्यक्ष ओलीले एमाले फुटाउँने माधव नेपालको राजनिती पूर्णरुपमा समाप्त भएको ठोकुवा गरेका छन् । प्राइम टाइम्स टेलिभिजनको कार्यक्रम जनता जान्न चाहन्छन् मा पत्रकार ऋषि धमला सँग कुराकानी गर्दै ओलीले यस्तो ठोकुवा गरेका हुन् ।

कार्यक्रममा ओलीले माधव नेपाल र पुष्पकमल दाहाल प्रचण्डले प्रधानमन्त्रीबाट हटाउनको लागि ग्राण्ड डिजाईन गर्न सक्ने ल्याकत नराख्ने भन्दै अन्त कतैबाट भएको आदेश पालना गरेको टिप्पणी गरेका छन् ।

ओलीले माओवादी केन्द्रसँग एकता गर्नु गलत नभएको स्पष्ट पारेका छन् । उनले आफूले असल नियतले पार्टी एकता गरेको पनि स्मरण गराए । उनले आगामी निर्वाचनमा एमाले स्पष्ट बहुमतका साथ आउने दाबी गरे । उनले कम्युनिष्ट पार्टी विभाजन गर्न आफूले भूमिका खेलेको भनेर लगाईएको आरोपमा कुनै सत्यता नभएको पनि जिकिर गरे ।

उनले आफ्नो निशानामा अदालत, निर्वाचन आयोग र सभामुख नभएको स्पष्ट पारे । बरु, अदाललते दुनियाँमा कहीँ नभएको फैसला गरेको पनि उनको भनाई थियो । अदालतले शेरबहादुर देउवालाई प्रधानमन्त्री नियुक्त गर्न परमादेश दिएको विषयमा उनले यस्तो टिप्पणी गरेका छन् ।

उनले एक प्रसङ्गमा व्यंग्यात्मक शैलीमा प्रचण्ड र नेपाल हिरोमात्रै नभएर सुपर स्पाईडर म्यान नै भएको बताए । माधव नेपाल त हिरो हुनुभयो नि रु भनेर सोधेको प्रश्नमा उनले भने, ‘हिरोमात्रै नभएर सुपर स्पाईडर म्यान नै हो नि ।’ प्रचण्डले माधव नेपाल त हिरो भनेर भन्नुभएको छ नि रु भनेर सोधेको प्रश्न्मा उनले भने, हो, प्रचण्ड एक नम्बरको हिरो, माधव नेपाल दुई नम्बरको हिरो । उहाँहरु त स्पाईडर म्यान हो ।”

उनले नेपालले पार्टी फुटाएको कुरालाई मान्न नसकिने पनि टिप्पणी गरे । उनले भने, यो असंवैधानिक छ, गैरकानूनी छ । जालझेलपूर्ण छ । षड्यन्त्रपूर्वक छ ।” उनले माधव नेपाललाई आफूले पेलेको र हेपेको भन्नुपनि गलत भएको बताए । पार्टीको नवौं महाधिवेशनमा पराजित हुँदापनि माधव नेपाललाई दोस्रो पोजिसनमा राखिएको उनको भनाई थियो ।