अती गोप्य भनेर गरेको कुरा नै लिक भए पछि प्रचण्डलाई छट्पटी, माधव नेपाल विच्कीने डर

नेकपा माओवादी केन्द्रका अध्यक्ष पुष्पकमल दहाल प्रचण्डको निकै करकाप र जोडबलमा माधव कुमार नेपालले नेकपा एमाले विभाजन गराएका थिए ,तर प्रचण्डको भित्री डिजाइन अर्र्कै भन्ने कुरा थाहा पाए पछि अहिले नेपाल झसंग भएका छन् ।

माधव कुमार नेपालले एमाले विभाजन गराएर निर्वाचन आयोगबाट प्रमाणपत्र बुझे लगत्तै माओवादी केन्द्रका अध्यक्ष पुष्पकमल दाहाल प्रचण्डले माधव नेपाललाई पनि सिध्याउँन रोल खेल्न थालिसकेको चर्चा अहिले राजनितिक बजारमा व्यापक रुपमा चल्न थालेको छ ।

माधव नेपालले एमाले विभाजन गरेर नयाँ दल दर्ताको प्रमाणपत्र बुझे पछि माओवादी केन्द्रका अध्यक्ष प्रचण्डले अब एमालेले कारबाही गरेका माधव नेपाल सहितका १४ जना सांसदको पद चट गराइदिन सभामुख अग्नी सापकोटालाई निर्देशन नै दिएको चर्चा भित्र भित्रै भुसको आगो जसरी फैलिरहेको छ ।

एक प्रतिष्ठित अनलाइनले प्रचण्डले अग्नी सापकोटालाई दिएको अडियोनै आफु सँग भएको दावी गर्दै आवश्यक परेका सार्वजनिक गर्ने भन्दै समाचार छापेको छ । उक्त अनलाइनले गरेको दावी अनुसार माओवादी केन्द्रका अध्यक्ष प्रचण्डले माओवादी भाले भन्ने अवसर आएको भन्दै तुरुन्त पद चट गराइदिन अग्नी सापकोटालाई आग्रह गरेका छन् ।

प्रचण्डका बारेमा यस्तो समाचार बाहिर आए पछि अहिले सम्म गलत भए प्रचण्डको सचिवालयले खण्डन गरिसक्थ्यो तर अहिले सम्म कुनै खण्डन गरेको छैन । माधव नेपालहरुको सांसद पद बचाउँदा माओवादीलाई अप्ठेरो पर्ने भन्दै प्रचण्डले बरु उपचुनावमै जाने जोड गरेका छन् ।

नियमानुसार संसद् अधिवेशन चालु रहेको अवधिमा १५ दिनभित्र सभामुखले कारवाहीको जानकारी प्रतिनिधिसभालाई गराउनुपर्ने व्यवस्था छ। अधिवेशन नभएको अवस्थामा सूचना टाँस गर्ने चलन छ। तर, सूचना कतिदिनभित्र टाँस्ने भन्ने अवधि तोकिएको छैन। नजिर र स्थापित मान्यता हेर्ने हो भने यसअघि यस्तै पत्र प्राप्त भएको २४ घण्टादेखि बढीमा ७२ घण्टाभित्र सभामुखले सूचना दिइसकेको देखिन्छ।

तर, एमालेको हकमा भने त्यसो हुन सकेन । एमालेले ८ समानुपातिक र ६ प्रत्यक्ष निर्वाचित गरी १४ सांसदलाई कारबाही गर्ने निर्णय त्यही दिन ४ बजे संसद् सचिवालयमा दर्ता गराएपनि अहिलेसम्म पनि सभामुखले त्यसको जानकारी दिने वा सुचना टाँस गर्ने काम गरेका छैनन् । नेकपा एमाले फुटाएर माधवकुमार नेपालको नेतृत्वमा नयाँ पार्टी दर्ता गर्ने नेपाली कांग्रेसका सभापति एवम् प्रधानमन्त्री शेरवहादुर देउवा, नेकपा माओवादी केन्द्रका अध्यक्ष पुस्पकमल दाहाल ‘प्रचण्ड’समेतको नियोजित षडयन्त्रका कारण सभामुखले कारवाहीको विषय अड्कार राखेको आरोप लाग्दै आएको छ ।

स्रोतका अनुसार सभामुख सापकोटाले अव भने एमालेले १४ सांसदलाई कारवाही गरेको सूचना टाँस गर्ने प्रकृया अघि वढाएका छन् । १र२ दिनभित्रै सूचना टाँस गर्न नेकपा माओवादी केन्द्रका अध्यक्ष दाहालले सापकोटालाई संकेत गरेको श्रोतको दावी छ।

प्रचण्डले ‘सभामुख जी अब माधव नेपालका १४ सांसदको पद खाइदिए फरक पर्दैन’ भन्दै दाहाले सापकोटालाई संकेत गरेका छन् । ‘पार्टी विभाजन भइहाल्यो, कानून अनुसार केन्द्रीय कमिटी सदस्यबाट मात्रपनि उहाँको पार्टी नेकपा एकीकृत समाजवादी वैध बनिहाल्यो’ प्रचण्डको हुरालाई उध्रित गर्दै स्रोतले भन्यो–‘अब विचाराधिन राखिएको कारबाहीको सूचना टाँस गरे हुन्छ।’

अब अध्यक्ष नेपाल सरकारमा भाग खोज्न आउँने र माओवादी भन्दा बढी भाग खोज्ने भएकाले उनलाई साईजमा राख्न पनि कारवाहीको सूचना टाँस्नु पर्ने आवस्यक देखिएको प्रचण्डले वताएका थिए । नेपालको पार्टी माओवादीमै विलय गराउन पनि १४ जना सांसदको पद जानु जरुरी रहेको उनले वताएका थिए । ‘सांसद हुँदा र नहुँदाको वार्गेनिङ प्रकृया फरक हुने भएकाले पहिलो उहाँलाई साइजमा राख्नुपर्छ’ प्रचण्डको भनाईलाई स्रोतल अगाडि सुनायो–‘हामी भाले हुनका लागि उहाँलाई साईजमा राख्ने मौका नै एमालेको कारबाहीको सूचना टाँस गर्ने हो ।’

१४ जना सांसदको पद गए उपनिर्वाचनमा भागवण्डा गरेर आधा–आधा सिट वाँड्ने र एमालेमा मिसिएर गुमेको सिटपनि आउँने विश्लेषण प्रचण्डको छ।

प्रचण्डले एमाले फुट्दा अपेक्षा अनुसार फाईदा लिन नसकेको पनि निकटका नेताहरुलाई सुनाउने गरेका छन् । माधवकुमार नेपालले जुन भोल्युममा पार्टी फुटाउँछन् भन्ने अनुमान थियो, त्यसको ठिक विपरित सानो हिस्सा मात्रै लिएर माधव नेपाल बाहिरिएकोमा उनको असन्तुष्टी छ।

विभाजन एमालेको भए पनि यसवाट हुने फाईदा भने प्रचण्डलाई नै हुने निस्चित थियो । केपी ओलीलाई भित्तामा पुर्याइदिन्छु भन्दै गरेका भाषणको औचित्य केहि हदसम्म पुरा भएपनि सोच अनुसार नभएको उनको वुझाई छ।