हेर्दा हेर्दै चुर्लम्मै डुब्ने बाटोमा एनआईसी एसिया बैंक, लाखौँ बचतकर्ताको अरबौँ निक्षेप जोखिममा !

नमच्चीने पिङको सय झड्का भने जस्तै बैँक पनि साथी पनि, हाम्रो पनि राम्रो पनि भनेर गुलिया नारा बेचिरहेको एनआईसी एसिया बैँक हेर्दौ हेर्दै चुर्लुम्मै डुब्ने बाटोमा अघि बढेको छ । दिनानुदिन ओरालो यात्रामा देखिएको उक्त बैँकको वित्तिय विवरणहरुले अत्यास लाग्दो अवस्था देखाएको छ ।

त्यसो त सूरुवाती दिन देखिनै बढिनै कस्मेटिक पारा देखाएको नआईसी एसियालाई बैँकिक तथा वित्तिय क्षेत्रमा धैरैले झिल्के बैँकको रुपमा बुझ्दै र अर्थाउँदै आएका छन्। अनेकौँ कस्मेटिक पारा र झिल्के नारामा रमाउँदै आएको एन आइसी एसिया बैँक अहिले भने धमिराले खाएको काठ जस्तो बन्दै गएको छ ।

धमिराले खाएको काठ बाहिरबाट हेर्दा सग्लो देखिए पनि भित्र भित्र खोक्रो भइसकेको हुन्छ ठिक अहिले एनआइसी एसिया बैँकको हालत पनि त्यस्तै भएको छ । पछिल्लो समय खराब कर्जा ९एनपीएल० मा एनआइसी एसिया बैँक चुर्लुम्म डुबेको छ । चालु आर्थिक वर्षको ६ महिनामा बैंकको खराब कर्जाको दर (एनपीएल) ९५ प्रतिशतमाथिले बढ्न पुगेको हो ।

सर्वधारण जनताले खाइ नखाइ पसिनाको कमाइबाट भविश्यको सुरक्षाको लागी जम्मा गरेको बचतनै बैँकले लगानी गर्दछ । यसरी गरिएको लगानीनै खराब कर्जामा ह्वात्तै बढोत्तरी भए पछि लाखौँ निक्षेपकर्ताको अरबौँ बचतनै जोखिममा पर्ने त होइन? भन्ने चिन्ता देखिएको छ । पछिल्लो समीक्षा अवधिमा बैंकको निष्क्रिय कर्जाको दर ०.६१ प्रतिशतबाट एकैपटक बढेर १.१९ प्रतिशत पुगेको हो ।

वित्तीय रिपोर्ट अनुसार पुस मसान्तसम्म बैंकले ३ खर्ब ८१ अर्ब निक्षेप संकलन गर्दै २ खर्ब ९३ अर्ब कर्जा प्रवाह गरेको देखिन्छ । तर सोमध्ये ३ अर्ब ४८ करोड रुपैयाँमाथिको लगानी खराब कर्जामा रूपान्तरण भएको छ । फलतः बैंकको खुद नाफासँगै यता वितरणयोग्य नाफा समेत प्रभावित बन्न पुगेको छ ।

अघिल्लो वर्ष पुस मसान्तमा ३ अर्ब २७ करोड ३३ लाख खुद नाफा आर्जन गरेको बैंकले यो वर्ष कमजोर पर्फमेन्स प्रदर्शन गर्दै ४१.८४ प्रतिशतले नाफा गुमाउँदै जम्मा १ अर्ब ९० करोड ३८ लाख रुपैयाँ मात्र कमाएको छ ।

उसो त बैंक खराब कर्जामा चुर्लुम्म डुब्दै गर्दा यता एनआईसी एसिया बैंकले ऋण असुली न्यायाधिकरणमा ऋणीविरुद्ध ८३ वटा मुद्दा हालेको छ । चालु आर्थिक वर्षको साउनयता ८३ ऋणीबाट कूल ९९ करोड ८४ लाख ८१ हजार रुपैयाँ बराबरको बिगो दाबीसहित बैंकले ऋण असुली न्यायाधिकरणमा मुद्दा हालेको हो । यो अन्य वाणिज्य बैंकहरुको तुलनामा उच्च हो ।आर्थिक वर्षको पुस मसान्तसम्ममा २ अर्ब ९३ अर्ब बढी ऋण लगानी गरेको बैंकले ऋण उठाउन नसकेर ऋण असुली न्यायाधिकरणको सरणमा जानु आफैमा जोखिमपूर्ण अवस्था हो ।

त्यसो त हाल बैंकसँग ३ अर्ब ४७ करोड ५० लाख रुपैयाँ माथिको नन् बैंकिङ्ग एसेटस् (धितो) रहेको छ । पटकपटक लिलामीमा जाँदा समेत जिन्सी धितो लिलामी गर्न नसकेको बैंकले खराब कर्जाको व्यवस्थापनकै लागि चालु आर्थिक वर्षमा ५ अर्ब ६२ करोड ९० लाख रुपैयाँमाथि लोन लस्ट प्रोभिजन गर्न बाध्य भएको छ ।

अर्को तिर भने जो होचो उसको मुखमा घोचो गर्न पनि एनआइसी एसियालेछोडेको छैन । ठूला भनिएकाहरुसँग खराब कर्जा उठाउन सार्थक पहल गर्न नसकेपनि निमुखाको भने घर जग्गा लिलाम गरेर उठिबास लगाउन भने छोडेको छैन । एनआइसी एसियाले उठिबास लगाएकाहरुको संख्या पनि धेरै भइसकेको छ । अहिले घरको न घाटको भने जस्तो अवस्थामा कपितय मानिसहरु एनआइसी एसियाकै कारण मर्नु र बहुलाउनु जस्तो अवस्थामा पुगेको बताइन्छ ।

यता खराब कर्जामा चुर्लुम्म डुबेको एनआइसी एसिया बैंकको अर्को बदमासी पनि बाहिर आएको छ । राष्ट्रबैँकको निर्देशिका विपरित आवासीय कर्जामा उच्च वृद्धि देखिएपछि राष्ट्र बैंकले त्यसको अनुसन्धान गर्ने भएको छ।

गत असारमा बैंकले आवासीय कर्जामा ५४ अर्ब ९८ करोड रूपैयाँ लगानी गरेको आफ्नो रिपोर्टमा देखाएको थियो। तर पुसमा बैंकले सार्वजनिक गरेको यही रिपोर्टमा भने यस्तो कर्जा ७९ अर्बले वृद्धि भएर एक खर्ब ३३ अर्ब रूपैयाँ पुगेको थियो।

बैंकहरूले यस्तो कर्जाका लागि अन्य कर्जामा भन्दा कम जोखिम भार राख्न सक्ने भएकाले पनि यस्तो चलाखी गरिएको आशंकामा राष्ट्र बैंकले अध्ययन गर्न लागेको हो।बैंकहरूले कुन शीर्षकमा गएको कर्जाको जोखिमको आधारमा कति रकम प्रावधानमा राखेका छन् भनेर रिपोर्टमा देखाइएको हुन्छ। एनआइसी एसिया बैंकको रिपोर्टमा आवासीय कर्जामा असारमा भन्दा उच्च दरले वृद्धि भएको देखिएको हो।राष्ट्र बैंकले कस्तो कर्जामा कति रकम प्रावधानमा राख्ने भनेर तोकिदिएको हुन्छ। यस्तो प्रावधान अनुसार कर्जा रकमको एक सय ५० प्रतिशतसम्म जोखिम भार मानेर रकम राख्नुपर्छ।

हाल आवासीय घर कर्जाको जोखिम भार ६० प्रतिशत, व्यावसायिक घरजग्गा कर्जाका लागि एक सय २५ प्रतिशत, ५० लाख रूपैयाँ माथिको सेयर कर्जामा एक सय २५ प्रतिशत मानेर त्यसै अनुसार प्रावधानमा रकम राख्नुपर्ने व्यवस्था राष्ट्र बैंकले गरेको छ।

लगातार एक पछि अर्को अपरादर्शिताको श्रृंखला मच्चाएको एनआएसी एसिया बैँकको बमदासीका कथाहरु लिएर थुप्रै पीडितहरु हाम्रो कार्यालयसम्म धाइरहनु भएको छ । ती बदमासीका पोकाहरु माथी ओटिभी नेपाल डटकम निरन्तर निगरानी गरिरहने छ ।