ओलीले के गरे त्यस्तो ?एकैचोटी झ्याप्पै बढ्यो देशभरका एमाले कार्यकर्ताको आँट !

नेकपा एमालेका अध्यक्ष केपी शर्मा ओलीले देशभरका एमाले कार्यकर्तालाई सम्बोधन गर्दै अन्तरपार्टी निर्देशन जारी गरेका छन् । पार्टीको पछिल्लो अवस्था र अब गर्नु पर्ने कार्यभार समतेलाई प्रष्ट पार्दै ओलीले निर्देशन सर्कुलर गरेका छन् ।

पार्टी विराधीहरु माथी सशक्त प्रतिवाद गर्न निर्देशन दिँदै ओलीले पार्टी एकताका पक्षमा दरो सँग उभिन पनि कार्यकर्तालाई आव्हान गरका छन् । ओलीको निर्देशन पछि देशभरका एमाले कार्यकर्तामा आँट बढेको छ । सभामुख अग्नी सापकोटा देखी एमाले विभाजनमा रोल खेल्ने सरकार र गठबन्धनका विरुद्ध लड्न ओलीले कार्यकर्तालाई निर्देशित गरेका छन्।

परिस्थिीती बदलीएको भन्दै ओलीले माओवादी केन्द्रका अध्यक्ष प्रचण्डका कारण नेकपा विभाजित भएको तर अप्ठेरो परिस्थतिमा पनि माओवादी छोडेर एमालेमै बसेका साथीहरुलाई सम्मान गर्दै अघि बढ्नु पर्ने बताएका छन् । पार्टी विभाजनमा सरिक नभइ एमालेकै पक्षमा रहेका सबैलाई भेदभाव नगरि अघि बढ्न पनि ओलीले भनेका छन् ।

फेरी पनि नेकपा एमाललेलाई सबैभन्दा मूलधारको सशक्त पार्टी बनाउँने अठोट पनि ओलीले गरेका छन् । देश भरका कार्यकर्तालाई आजै बाट सक्रियतापूवर्क पार्टीमा योगदान गर्न अुनुरोध गर्दै ओलीले सबै खालका जालझेल र षड्यन्त्रलाई परास्त गरि छाड्ने अठोट व्यक्त गरेका छन् ।

नेकपा एमालेले विभाजनको पक्षमा नलाग्न पार्टीका नेता कार्यकर्ता र जनप्रतिनिधिहरूलाई निर्देशन दिएको छ । पार्टी अध्यक्ष केपी शर्मा ओलीले अन्तरपार्टी निर्देशन जारी गर्दै पार्टीभित्रका केही स्वार्थी र विभाजनकारी व्यक्तिहरूका क्रियाकलाप तथा पार्टी बाहिरका विभिन्न शक्तिरतत्त्वहरूको षडयन्त्रका कारण पार्टीले असहज स्थितिको सामना गर्नु परेकाले त्यसको सामना गर्न निर्देशन दिएका हुन् ।

गत भदौ ८ गतेको स्थायी समिति र १० गते बसेको केन्द्रीय कमिटी बैठकका निर्णयसहित जारी गरेको एमाले निर्देशनमा पार्टीको भूमिका बदलिएको र एमाले सत्तापक्षबाट प्रतिपक्षमा रुपान्तरित भएको उल्लेख छ ।

एमालेले संविधानको अपव्याख्या एवं विभिन्न स्वार्थ–समूहहरूको गठबन्धनको बलमा मुलुकमा अगाडि बढेको सामाजिक–आर्थिक रुपान्तरणको अभियानलाई अवरुद्ध गर्ने र राष्ट्रिय राजनीतिलाई पछाडि फर्काउने असंवैधानिक र अलोकतान्त्रिक प्रयास तीब्र पारिएको दावी समेत गरेको छ । ‘यस घटनाले मुलुकको कम्युनिष्ट आन्दोलन, लोकतान्त्रिक प्रणाली, संवैधानिक सुव्यवस्था र जनताको सर्वोच्चता माथि चुनौती खडा गरेको छ’, अध्यक्ष ओलीले देशभरका नेता कार्यकर्तालाई पठाएको निर्देशनमा भनेका छन्,

‘हाम्रो पार्टीले यस परिस्थितिको संवैधानिक, लोकतान्त्रिक र जनपरिचालनका विधिबाट सामना गर्ने अठोट गरेको छ । स्वार्थहरूको गठजोड एवं ईर्ष्या, कुण्ठा र प्रतिशोधको भावनामा उभिएको वर्तमान सत्तापक्षीय गठबन्धन आधारभूत रुपमा अवसरवादी एवंम दक्षिणपन्थी चरित्रको छ ।’

सत्तापक्षीय गठबन्धनले मुलुकको समस्या समाधान गर्न नसक्ने भन्दै एमालेले बरु मुलुकलाई पश्चगामी दिशातिर फर्काउने आशंका बलियो बन्दै गएको जनाएको छ । साथै यस्तो परिस्थितिमा नेकपा (एमाले) लाई जनमतको बलमा राष्ट्रिय राजनीतिको नेतृत्वदायी स्थानमा स्थापित गर्ने संकल्प गरेको छ । ‘यसका लागि पार्टीको आन्तरिक एकतालाई सबल बनाउन, विगतका आरोह–अवरोहबाट गम्भीर शिक्षा लिन र आसन्न चुनौतीलाई सामना गर्न पार्टीलाई वैचारिक, राजनीतिक, संगठनात्मक र भावनात्मक रुपमा तम्तयार राख्न सबै कमरेडहरूलाई सक्रिय योगदान गर्न निर्देशित गरिन्छ’, अध्यक्ष ओलीले जारी गरेको सर्कुलरमा भनिएको छ ।