राजेन्द्र पाण्डलेलाई कत्रो हतारो ? मै हुँ मुख्यमन्त्री भन्दै हिड्न थाली सके

नेकपा एमाले विभाजन भएर बनेको नेकपा एकिकृत समाजवादीका नेता राजेन्द्र पाण्डले आफुले आफैँलाई मै हुँ अबको मुख्यमन्त्री भन्दै हिड्न थालेका छन् ।

नेकपा एमाले विभाजन गरेर नयाँ बनेको पार्टीमा आज केही सांसदहरुले सनाखत गराएर पछि पाण्डेको फुर्ती एकाएक बढेको छ । अहिलेकी मुख्यमन्त्री अष्टलक्ष्मी शाक्य नेकपा एसमा प्रवेश नगरे स्वत अल्पमतमा परेकी छिन् , त्यहि हिसाब गरेर पाण्डे चम्कीएको बताइन्छ ।

नेकप एसका नेता राजेन्द्र पाण्डेले बागमती प्रदेशको मुख्यमन्त्रीमा दाबी गरेका छन्।मंगलबार नेकपा एमालेका १२ जना प्रदेशसभा सांसदहरुले प्रदेश निर्वाचन कार्यालयमा पुगेर आफूहरु एकीकृत समाजवादी पार्टीमा आवद्ध भएको सनाखत गरेसँगै नेता पाण्डेले सो प्रदेशको मुख्यमन्त्रीमा आफ्नो दावी रहेको प्रतिक्रिया दिएका हुन्।

हेटौंडास्थित प्रदेश निर्वाचन कार्यालयमा सञ्चारकर्मीहरुले राखेको जिज्ञासाको जवाफ दिने क्रममा उनले १२ जना सांसहरुले एमाले छाडेर आफ्नो पार्टीमा आएको जानकारी निर्वाचन कार्यालयले गराउन साथ प्रदेश सरकार अल्पमतमा पर्ने र त्यसपछि आफूले मुख्यमन्त्रीमा दावी गर्ने स्पष्ट पारे।

आगामी भदौ २३ गते त्यहाँको प्रदेश निर्वाचन कार्यालयले एमाले छाडेर नेकपा एकीकृत समाजवादी पार्टीमा प्रवेश गर्ने सांसदहरुको संख्या सार्वजनिक गर्नेछ। निर्वाचन आयोगले सो संख्या सार्वजनिक गर्ने वित्तिकै अष्टलक्ष्मी शाक्य नेतृत्वको वर्तमान प्रदेश सरकार अल्पमतमा पर्नेछ। त्यसै दिनदेखि नयाँ सरकार गठनको प्रक्रिया सुरु गर्ने नेता पाण्डेले जानकारी दिए।

उनले भने, ‘यो सनाखत भएको छ, अरु साथीहरु पनि थप हुन्छन्। २३ गते हाम्रो प्रदेशमा कति जना यो दलमा भयो भनेर नाम दिन्छ। त्यो नाम दिएपछि त्यसपछि हामी हाम्रो दलको तर्फबाट यहाँ संसद सचिवालयमा पेश गर्छौँ, हाम्रो दलको संख्या यति छ भनेर। हामी नेकपा एमालेमा छैनौँ भनेर पेश गर्छौं। त्यो पेश गरेको दिनदेखि नै अहिलेको सरकार अल्पमतमा पर्‍यो। यो सरकारको अर्को ठाउँ छैन। अरु सांसद थपेर सरकार अड्याउने कुनै ठाउँ हुँदैन। अबको सरकार मेरै नेतृत्वमा बन्छ। पार्टीको तर्फबाट त मलाई नै अघि सारिएको छ। सबै दलको सहमतिको क्यान्डिडेट हो म।’

नेता पाण्डेले सत्तारुढ दलहरु सबैले मुख्यमन्त्रीमा आफूलाई सहमति दिएको पनि बताए।