एमसीसीकी उपाध्यक्ष नेपाल आउने फाइनल हुने वित्तिकै सौरभले दिए गम्भिर सुचना

अमेरिकी सहयोग नियोग मिलेनियम च्यालेन्ज कर्पोरेसन ९एमसीसी० की उपाध्यक्ष फतिमा सुमार नेपाल आउँने फाइन भए सँगै एमसीसी बहस फेरी पेचिलो बनेको छ ।

अमेरिकाले अनुदान सहयोग भनेर दिन लागेको सहयोगलाई दिन किन यती धेरै जवर्जस्ती गरिहेको छ भन्ने गम्भिर प्रश्न उठेको छ । शेरबहादुर देउवा प्रधानमन्त्री बने वित्तीकै देखी अमेरिकाले दवाव बढाउँदै लगेको देखिन्छ ।

नेपाली जनताको तहबाट एमसीसीको चर्को विरोध भइरहे पनि कतिपय राजनितिक दलका नेताहरु एमसीसी पास गर्न निकै नै हतातरिएका छन् । एमसीसीको बिषय निकै नै पेचिलो बनिरहेको बेलामा चर्चित राजनितिक बिश्लेषक सौरभले यस बिषयमा गम्भिर सुचना दिएका छन् ।

लेखक, चिन्तक तथा विश्लेषक सौरभले अमेरिकी सहयोग एमसीसीले नेपाललाई कालान्तरमा सिध्याउने बताएका छन्। आफ्नो असहमति शृंखलाको तेश्रो पुस्तक ‘असहमति३’ को लोकार्पण भिडियोमा सौरभले पश्चिमाहरू विभिन्न परियोजनामार्फत लगानी गरेर नेपाललाई सिध्याउन लागिपरेको बताएका हुन्।

उनले भनेका छन्, ‘बीआरआई, बीमेस्टेक, एमसीसीजस्ता पश्चिमाहरूका लगानीले साना मुलुकमाथि निरंकुशता बढ्छ र एकदिन त्यसले राष्ट्रको अस्मितामाथि प्रश्नचिह्न खडा गर्छ। हामीलाई सिध्याउन अहिले सबै लागिपरेका छन्, यदि यस्तै अवस्था रहे हामी बर्मा, ग्रीस, अलबानिया वा दक्षिण कोरियाजस्तो हुन सक्छौँ। यी कुरालाई आधारभूतरूपमा कम्युनिस्टहरूले संस्थागत गर्न खोजिरहेका छन्। त्यसैले मैले किताबमा मार्क्स र क्राइस्टबाट मुक्ति शीर्षकमा दुईवटा लेख लेखेको छु। ‘

बुक हिल पब्लिकेसनले आज सार्वजनिक गरेको उनको पुस्तक लोकार्पणको भिडियोमा उनले वेदभन्दा अघि मुन्धुम लेखिएको समेत बताएका छन्। उनी भन्छन्, ‘तैत्तिरीय संहिता भनेको मुन्धुम नै हो। आफूलाई नेपालीले आफैँ चिन्नु पर्‍यो।’

इतिहास निर्माणका क्रममा गरिएका अपव्याख्या, नेपाली भूगोल, सभ्यता, धर्म, भाषा, संस्कृति, सम्पदा, संस्कार र जीवनशैलीप्रति बोलिएका धावाहरूको जवाफको रूपमा आएको असहमति ३ ले पाठकको मन जित्नेसमेत उनले विश्वास लिएको बताए।

देशभरका पुस्तक पसलमा आजैदेखि उपलब्ध भएको, ६ वटा खण्डमा विभाजित पुस्तकमा ३३ वटा विचारोत्तेजक लेख छन्। विषयको विविधतामा यथेष्ट सूचना र सन्दर्भसहित गरिएका व्याख्या तथा विश्लेषणले सामाजिक राजनीतिक डिस्कोर्सप्रति विमति जनाएका छन्। ३ सय पृष्ठको पुस्तकको बजार मूल्य मोटो गाता ७ सय र पातलो गाता ५ सय रुपैयाँ रहेको छ।