काग्रेस महामन्त्रीमा गगन र विश्वप्रकाशको भिडन्त पक्का ,कसले मार्ला बाजी ?

सरकारको नेतृत्व गरिरहेको नेपाली काग्रेस पार्टीलाई महाधिवेशनको चटारोले छपक्कै छोपेको छ । आज बाट वडा अधिवशेन सुरु भएको छ ।यसैलाईनै आज बाट राष्टिय महाधिवेशनको प्रक्रिया सुरु भएको मानिएको छ।

नेतृत्वका आकांक्षीहरुले आफ्नो दौड सुरु गरिसकेका छन् । पार्टी सभापतीमा विभिन्न नेताहरुले उमेदवारी घोषणा गरिसकेका छन् भने केहिले धमाधम गरिरहेका छन् । यस पटकको काग्रेस महाधिवेशन निकै रोचक हुने अनुमान गरिएको छ ।

सभापतीको उमेदवारको सँग सँगै यस पटक नेपाली काग्रेसमा महामन्त्रीको उमेदवार विचको भिडन्त पनि निकनै रोचक हुने अनुमान गरिएको छ । यस पटक युवा नेताद्धय गगन थापा र विश्वप्रकाश शर्मा महामन्त्रीको उमेरदवारका रुपमा आमने समाने हुने पक्का जस्तै भएको छ ।

अघिल्लो पटक पनि महामन्त्रीमा भिडेका गगन थापाले उमेदवारी नै घोषणा गरेर मैदानमा उत्रिएका छन् भने पार्टी प्रवक्ता समेत रहका विश्वप्रकाश शर्माले केहि दिनमै उमेदवारी घोषणा गरेर मैदानमा उत्रने घोषणा गरेको छन् ।

अघिल्लो पटक सिटौला समूह बाट महामन्त्रीको उमेदवार बनेका थापा यस पटक रामचन्द्र पौडल समूहमा खुलेका छन् । यस पटक काग्रेस सभापतीको उमेदवार बन्ने व्यक्तीले महामन्त्रीमा युवालाई बोक्नै पर्ने परिस्थीती बन्दै गएको छ ।

अहिले सम्म पौडेल समूहले सभापतीको साझा उमेदरवार छनोट गर्न सकेको छैन , आकांक्षी धेरै भएका कारण त्यस्तो अवस्था आएको हो जे भए पनि उक्त समुह बाट महामन्त्रीमा गगन थापा फाइनल जस्तै भएका छन् ।

पौडले समूहबाट गगन थापा महामन्त्रीको उमेदवार फाइनल जस्तै भएको अवस्थामा गगनलाई काउन्टर दिन सभापती शेरबहादुर देउवाले युवा नेता विश्वप्रकाश शर्मालाई अघि बढाउँने तयारी गरको छन् । देउवा निकट उच्च स्रातले ओटीभी नेपाललाई दिएको जानकारी अनुसार देउवाले शर्मालाई जित्ने गरि तयारी गर्न निर्देशन दिइसकेका छन् ।

गगन र विश्वप्रकाश महामन्त्रीको उमेदवार बन्ने भए पछि यो पटक नेपाली काग्रेस नेतृत्वका लागी सभापतीमा जस्तै महामन्त्रीका उमेदवार विचको भिडन्त पनि रोचक हुने दखिएको छ । विश्वप्रकाश शर्मा गगन थापा भन्दा सिनियर नेता भए पनी गगन थापा पछिल्लो समय एग्रेसिभ भएर उदाएका कारण थोरै छाँयामा जस्तो देखिन्थे ।

युवा नेताहरुले टिम बनाएर घेराबन्दी गर्न खोजे पछि काग्रेस सभापती शेरबहादुर देउवाले विश्वप्रकाश शर्मालाई पार्टी प्रवक्ता बनाएका थिए । त्यसबेला पनि गगनलाई प्रवक्ता बनाउँने व्यापक हल्ला थियो अन्तिममा शर्माले बाजी मोरका थिए ।

थापा र शर्मा बाहिरी रुपमा अन्यन्तै हार्दिक सम्बन्ध भएको अभिनय गर्दछन् तर भित्र भित्रै उनीहरु विचको सम्बन्ध अत्यन्तै तिक्त्ततापूर्ण रहको दावी उच्च स्रोलले ओटिभी नेपाल सँग गरेको छ । काग्रेसको भावी नेतृत्वका रुपमा पनि हेरिएका थापा र शर्मामा कसले कसलाई उछिनेर बाजी मार्ने भन्ने बेजोडको आरिस रहको बताइन्छ ।