एमाले फुटाउँन बामदेवले काग्रेस सँग करोडौँ खाएको खुलासा, यसरी बाहिरियो सत्यतथ्य

हिजो मात्रै नेकपा एमालको उपाध्यक्ष र पार्टीका सम्पुर्ण जिम्मेवारीहरुबाट राजिनामा दिएका बामदेव गौतमले कुनै बेला एमाले विभाजनका लागी नेपाली काग्रेस सँग करोडौँ रकम लिएको खुलासा भएको छ ।

२०५४ सालमा नेकपा एमाले विभाजनको नेतृत्व गरेका बामदेवले नेपाली काग्रेस सँग करोडौँ रुपैँया लिएर पार्टी फुटाएको खुलासा भएको हो । नेकपा मालेका महासचिव सिपी मैनालीले बामदेवको असली अनुहार छताछुल्ल पारिदिएका छन् ।

माले महासचिव सिपी मैनालीले एमाले विभाजन गर्दा वामदेव गौतमले नेपाली कांग्रेसबाट पैसा लिएको खुलासा गरेका छन् । उनले भने,‘वामदेवले नेपाली कांग्रेसका नेता खुमबहादुर खड्कामार्फत पैसा लिएका हुन् । उनले करोडौंको संख्यामा पैसा लिएका हुन् । तर, यकिन राशि थाहा नभएको हुनाले मैले भन्न मिल्दैन् । तर, करोडौंको रकम लिएका थिए ।’

उनले एमाले विभाजन हुनुभन्दा अघि नै आफूहरुलाई एमालेबाट निश्काषन गर्नको लागि सुवास नेम्वाङले पहल गरेको टिप्पणी गरे । माधव नेपालले पार्टी विभाजनबाट रोक्नको लागि आफूसँग कुनै पहल नगरेको र छलफल नै नगरेको पनि मैनालीले स्मरण गराए । हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो खुलासा गरेका हुन् । उनले वामदेवले पछि एमालेसँग एकता गर्दा आफू नगएको सुनाए ।

उनले वामदेवले एमाले परित्याग गर्दा एमालेलाई घाटा लाग्ने टिप्पणी गरे । तर, वामदेवले एमाले परित्याग गर्दैमा ठूलो असर भने नपर्ने उनको भनाई छ । लाखौं लाख कार्यकर्ता भएको एमालेमा वामदेवसँग दुई चार हजार कार्यकर्ता हुनु ठूलो कुरा नभएको पनि उनले बताए ।

यस अघिनै काग्रेसका स्वर्गिय नेता खुमबहादुर खड्काले पनि त्यसबेला एमाले विभाजन गर्दा मालेका नेताहरुलाई आफुले करोडौँ रकमको बन्दोवस्त गरेको बताएका थिए । बामदेव गौतम भने आफु आँटिलो नेता भएका कारण हिम्मत गरेर पार्टी फुटाएको बताउँदै आएका थिए ।

नेकपा काल देखीनै कहिले यता र कहिले उता गर्दै अलमलमा रहेका गौतमले हिजो बाट नेकपा एमाले परित्याग गरेको घोषणा गरेका छन् भने अहिले सम्म उनले माधव नेपालले एमाले फुटाए बनाएको नेकपा एसमा भने प्रवेश गरेका छैनन्। उता पनि पदको बार्गेनिङ गरिरहेको बताइन्छ ।