सत्तागठबन्धनमा गम्भिर खटपट, देउवा विरुद्ध सडकमै निस्कीए चित्रबहादुर केसी

सत्तारुढ गठबन्धनमा रहेको चित्रबहादुर केसी नेतृत्वको राष्ट्रिय जनमोर्चा नेपालले परमादेश बाट बनेको देउवा सरकारले एमसीसी पास गर्ने अन्तिम तयारी गरे पछि सडक आन्दोलन घोषणा गरेको छ ।

एमसीसी पास गर्ने हो भने सत्तागठबन्धन बाट बाहिरीने चेतावनी दिँदै आएको जनमोर्चाले अहिले सम्म गठबन्धनबाट बाहिरिने निर्णय गरिसकेको छैन तर आवश्यक परे गठबन्धन बाटै बाहिरीने सम्मको तयारी गरेका बुझिएको छ ।

राष्ट्रिय जनमोर्चा नेपालले अमेरिकी परियोजना एमसीसीविरुद्ध यही भदौ २२ गते देशव्यापी प्रदर्शन गर्ने भएको छ।अमेरिकी सैन्य रणनीति इण्डोप्यासिफिककै अंग एमसीसी भएको बताउँदै जनमोर्चाले कुनै हालतमा अनुमोदन गर्न नहुने अडानसहित प्रदर्शन गर्न लागेको हो।

आइतबार प्रेस विज्ञप्ति निकालेर जनमोर्चाका अध्यक्ष चित्रबहादुर केसीले प्रदर्शन थाल्ने बताएका हुन्।उनले कांग्रेस नेतृत्वको गठबन्धन सरकारले न्यूनतम कार्यक्रममा एमसीसी समावेश नगरे पनि केही दिनयताका गतिविधिले पारित गराउन चलखेल भइरहेको संकेत देखिएको बताएका छन्।

‘एमसीसी र अन्य गम्भीर प्रकृतिका, विवादास्पद विषय सरकारले नउठाउने गठबन्धनमा सहमति भएको होु, उनले भने, ुकेही दिनयता राष्ट्रिय जनमोर्चाबाहेक गठबन्धनका दलबीच एमसीसीबारे छलफल भएको, एमसीसीको विज्ञापन बजेको, एमसीए अमेरिकाका उपाध्यक्ष नेपाल आउन लागेको, अमेरिकाले एमसीसीलाई संसदबाट पारित गर्न दिएको दबाबबाट पास गराउने पुषटि भएको छ।

केसीका अनुसार जनमोर्चाले एमसीएका उपाध्यक्षको भ्रमण र एमसीसी पारित गर्न दिएको दबाबविरुद्ध प्रदर्शन हुनेछ। त्यस्तै गठबन्धन सरकारलाई सचेत गराउन सांकेतिक रुपमा देशभर प्रदर्शन गरिने बताए।