राजधानीमा दिउँसै जल्यो बालकृष्ण खाँडको पुत्ला जलाउँने सत्तागठबन्धनकै नेता

मोदी पुत्ला जलाउँनेलाई कडा कारबाही गर्छु भन्दै विज्ञप्ती जारी गराउँने परमादेश बाट बनेकोे सरकारका गृहमन्त्री बालकृष्ण खाँडको राजधानीमा दिउँसै पुत्ला जलाइएको छ ।

देउवा सरकारले एमसीसीको विरोध गर्ने र मोदीको पुत्ला जलाउँनेलाई कडा कारबाही गर्छौ भन्दै विज्ञप्ती जारी गरे पछि आन्दोलनकारीहरु झनै उग्र बन्दै गएका छन् । माधव नेपाल अध्यक्ष रहेकोे नेकपा एसका विद्यार्थीहरुले गृहमन्त्रीको पुत्ला जलाएका हुन् ।

सत्ता गठबन्धनमा आबद्ध माधव नेपाल नेतृत्वको नेकपा (एकीकृत समाजवादी) पार्टीको विद्यार्थी सङ्गठन अनेरास्ववियूले सोमबार गृहमन्त्री बालकृष्ण खाँणको पुत्ला जलाएको छ । सोमबार दिउँसो अनेरास्ववियूका अध्यक्ष सुदेश पराजुलीको नेतृत्वमा राजधानीको मीनभवनमा भेला भएका विद्यार्थीहरूले गृहमन्त्रीको पुत्ला जलाएका हुन् ।

सो क्रममा गृह मन्त्रालयले आइतबार जारी गरेको विज्ञप्ति पनि जलाइएको थियो । भारतीय प्रधानमन्त्री नरेन्द्र मोदीको पुत्ला जलाएकोमा गृह मन्त्रालयले कारबाही गर्ने चेतावनी दिएपछि अनेरास्ववियू आक्रोशित बनेको हो । दार्चुला घटना र भारतीय हस्तक्षेपप्रति मौन सरकार मोदीको पुत्ला जलाउँदा चाहिँ कारबाहीको दायरामा ल्याउने चेतावनी दिएको भन्दै पराजुलीले आक्रोश पोखे ।

सो क्रममा विद्यार्थीहरूले एमसीसीको समेत विरोध गरेका छन् । ‘एमसीसी मुर्दावाद’ लेखिएको प्लेकार्डसहित भेला भएका उनीहरूले सरकार र गृहमन्त्रीविरुद्ध नाराबाजी गरेका थिए ।

अध्यक्ष पराजुलीले गृहमन्त्रालयले माफी माग्दै अर्को विज्ञप्ती जारी नगरे सम्म आन्दोलन नरोकिने बताए । आन्दोलनकारीहरुले देउवा सरकार विरुद्ध चर्को नाराबाजी गरेका छन् । एमसीसीको विरुद्ध पनी नराबाजी गरेका उनीहरुले आन्दोलनका कार्यक्रम निरन्तर रहने बताएका छन् ।