अन्तिममा एमसीसीको पक्षमा देउवा र बावुराम मात्रै !

नेपालमा एमसीसीको बिषय पछिल्ला दिनमा थप पेचिलो बन्दै गएको छ । समर्थन भन्दा विरोध चर्को हुँदै गएको अवस्था छ । अन्तिममा एमसीसी बोक्ने प्रधानमन्त्री शेरहबहादुर देउवा र पूर्व प्रधानमन्त्री बावुराम भट्टराई मात्रै हुने देखिन थालेको छ ।

नेपाली काग्रेसका सभापती समेत रहेका प्रधानमन्त्री शेरबहादुर देउवा सदाबहार रुपमा एमसीसीको पक्षमा रहेको देखिन्छन् । सत्तामा हुँदा होस् या प्रतिपक्षमा रहँदा एमसीसी पास गर्न पर्छ भनेर देउवाले सदावहार अडान लिँदै आएका छन् । कतिपयले एमसीसी पास गर्नकै लागी यो पटक देउवालाई प्रधानमन्त्री बनाइएको आरोप पनि लगाउँने गरेका छन् ।

एमसीसको पक्षमा खुलेर लाग्नेमा जनता समाजवादी पार्टीका संघिय परिषद अध्यक्ष एवं पूर्वप्रधानमन्त्री बावुराम भट्टराई पनि देखिन्छन् । उनको पालामा सबैभन्दा पहिला एमसीसी नेपाल ल्याउँने प्रक्रिया अघि बढको बताइन्छ । केहि दिन पहिले मध्यरातमा टुइट समेत गर्दै भट्टराईले एमसीसी पास गर्न अपिल गरेका थिए ।

माओवादी केन्द्र सरकारमा रहँदा पटक पटक एमसीसीका महत्वपुर्ण कामहरु गरिँदै आएको भए पनि माओवादी केन्द्रका अध्यक्ष पुष्पकमल दाहाल प्रचण्ड यथास्थितीमा एमसीसी पास गर्न नहुने अडानमा प्रष्ट रहेका छन् । माओवादी भित्र कुनै हालतमा एमसीसी पास गर्न नहुने लाइन बलियो बन्दै गएको छ।

प्रमुख प्रतिपक्षी दल नेकपा एमालेका अध्यक्ष केपी ओलीले प्रधानमन्त्री भएका बेला एमसीसी पास गर्न जोडबल लगाएको जस्तो देखिन्थ्यो । कतिपयले ओलीले रणनितिक रुपमै एमसीसी पास गराउँन खोजे जस्तो मात्रै देखाएर रोकिरहेको पनि दावी गर्छनन् ।

पछिल्लो समय एमाले अध्यक्ष ओली पनि खुलेरै एमसीसीको विरोधमा देखा परेका छन् । सत्तासाझेदार दल काग्रेस र जसपा बाहेक कसैको पनि साथ नपाउँने अवस्था आए पछि एमसीसी पाास गराउँन कम्मर कसेर लागेका प्रधानमन्त्री देउवालाई नमिठो धक्का लागेको छ । ओलीले पनि निहुँ खोज्न थालेको भन्दै देउवाले गुनासो गर्न थालेका छन् ।

हिजो मात्रै पनि नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसी पास नुहुने भन्दै सार्वजनिक रुपमै बोलिसेकेका छन् । सत्ता र प्रतिपक्षी दुवै तिर बाट एक्लीँदै गएका देउवाले अब कसरी अघि बढ्ने रणनिती बनाउँछन् त्यो भने सबैको चासोको बिषय रहेको छ ।