फतिमा काठमाडौँ टेक्ने वित्तिकै माओवादी केन्द्रले फेरी भन्यो एमसीसी पास हुन दिँदैनौं

एमसीसी पास गराउँने माहोल बनाउँन एमसीसीको उपाध्यक्ष फतिमा सुमार सहितको उच्च स्तरीय भ्रमण टोली यतिखेर काठमाडौँमा छ आज फेरी पनि माओवादी केन्द्रले यथाअवस्थामा एमसीसी पास नगर्ने अडान प्रष्ट पारेको छ ।

हिजो मात्रै नेपाल सरकारले सोधेका प्रश्नहरुको जवाफ दिने क्रममा एमसीसीको संशोधन हुन नसक्ने कुरा एमसीसी मूख्यालयले प्रष्ट पारेको थियो । यस्तो जवाफ आए पछि त्यसो हो भने एमसीसी पास नहुने जवाफ माओवादी केन्द्रले दिएको छ ।

मााओवादी केन्द्रका प्रमुख सचेतक देव गुरुङले एमसीसी संशोधन हुँदैन भने नेपाल बाट पनि संसदमा पास हुँदैन यो हाम्रो प्रष्ट अडान हो भनेका छन् । सैन्य रणनिती नभने पनि संशोधन विना पास गर्न नसकिने उनले बताएका छन्

माओवादी केन्द्रका प्रमुख सचेतक देव गुुरुङले एमसीसी सैन्य रणनितीनै भएको ठोकुवा गर्दै नेपाललाई अफगानस्थान बनाउँने खेलमा माओवादी केन्द्रले कडा प्रतिवाद गर्ने खुलासा गरेका छन् । आर्थिक परियोजनाको आवरणमा सैन्य रणनिती ल्याउँन खोजिएको गुरुङको दावी छ ।

ओटीभी नेपाल डक कम सँगको विशेष कुराकानीका क्रममा प्रमुख सचेतक गुरुङले राँ बराबर पनि देशको माया हुने कसैले पनि एमसीसी बोकेर हिड्न नसक्ने बताए । विदेशी साम्राज्यवादीका दलालहरुले मात्रै एमसीसी बोकेर हिड्ने उनको आरोप छ ।

एमसीसी विरुद्ध निकै आक्रोसित रुपमा प्रस्तुत भएका गुरुङले एमसीसीको आवरणमा नेपाल छिरेर अमेरिकाले नेपालको सार्वभौमसत्ता माथी नै प्रहार गर्न खोजेको बताए । एमसीसीको कुनै पनि बुँदामा संसद बाट पास गर्नु पर्छ भनेर नलेखेको तर किन अहिले पास गर्न खोजिँदैछ भनेर उनले प्रश्न पनि गरे ।

गुरुङलेै एमसीसी संसद बाट पास गर्ने कुनै पनि प्रावधान संविधानमै नभएको पनि ठोकुवा गरेका छन् । जे जे कुराहरु संसदवाट पास गर्नु पर्छ भनेर संविधानमा व्यवस्था गरिएको छ , त्यो कुनै पनी कुरा यसमा मेल खाँदैन अनि कसरी सदनमा टेबल गर्न मिल्छ रु यो पास हुने त परेको कुरा संसदमा टेबुल पनी हुँदैन उनले भनेका छन् ।

अमेरिकाले नेपाली भूमी कब्जा गरेर सम्पुर्ण आफ्नो संरचना बनाउँने टा«समिसन लाइनको जुन रुट बनाउँन खोजको छ , त्यहि रुट बाट अप्टीकल फाइबर बनाएर स्याटालाइका माध्यमबाट चिन र भारतको अकाशको पनि सुचना संकलन गर्ने षड्यन्त्र अमेरिकाले गरेको उनले दावी गरे ।

ओटीभी नेपाल सँगकै कुराकानीमा गुरुङले अमेरिकाले भोली क्षेप्यात्र युद्धका लागी चिनको आकाश नेपाल बाटै निसाना बनाउँनको लागी संरचना बनाउँनको लागी एमसीसी मार्फत छिर्न खोजको ठोकुवा गरे । उनले एमसीसी पास गराउँनु भनेको नेपाललाई अफगानस्थान बनाउँनु भएको पनि जिकिर गरेका छन् । र्

प्रधानमन्त्रीले एमसीसी पास गर्न खोजिरहनु भएको छ एमसीसी पास हुने अवस्थामा तपाईहरु सरकार र गठबन्धन बाट बाहिरिनु हुन्छ तरु भन्ने प्रश्नमा गुरुङले भने राष्ट्रिय स्वाधिनता सँग जोडिएको एमसीसी र सरकारको तुलना नै हुन नसक्ने बताए । सरकार भनेको त ६ महिना १ बर्षमा फेरिरहँन्छ गठबन्धन त झन अस्थायी कुरो हो अनी गठबन्धन र एमसीसीको कुरा जोड्न मिल्छ ?