देउवाले एमसीसी पास गर्न खोजे माओवादीले सरकार छोडेर सडक तताउँने !

एमसीसी पास गराउँन दवाव दिन एमसीसीकी उपाध्यक्ष फतिमा सुमार काठमाडौैमा दौडधुप गरिरहेकै बेला सत्तासाझेदार प्रमुख दल माओवादी केन्द्र एमसीसीमा थप कडा बन्दै गएको छ ।

मओवादी केन्द्रका नेताहरुले एमसीसी इण्डोप्यासिफिक सैन्य रणनितिको अंग भएको दावी गर्दै सदनबाट पास गर्न नदिने अडान कसिलो बनाउँदै लगेका छन् । माओवादीले आवश्यक पर्दा सरकार बाट बाहिरिएर सडक तटाउँने सम्मको तयारी गरेको बताइन्छ ।

आज विहान मात्रै एमसीसी उपाध्यक्ष फतिमा सुमार र माओवादी केन्द्रका अध्यक्ष पुष्पकमल दाहाल प्रचण्ड सँगको भेटमा पनि प्रचण्डले यथाअवस्थामा एमसीसी पास गर्न सहयोग गर्न नसक्ने प्रष्ट पारेका छन् । प्रचण्डले राष्टिय सहमतीको प्रस्ताव अघि बढाएका छन् ।

प्रचण्ड र फतिमाको भेट लगत्तै प्रचण्डका विश्वास पात्र वाग्मती प्रदेशमा पूर्व सामाजीक विकामन्त्री युवराज दुलाल सरदले एमसीसीको पक्षमा लाग्नु भन्दा सरकार छोडेर माओवादीले सडक आन्दोलन गर्ने प्रष्ट पारेका छन् । माओवादी केन्द्र कुनै पनि हालतमा राष्टहित विपरीत जान नसक्ने जिकिर उनले गरेका छन् ।

प्रचण्ड र फतिमा सुमारको तस्विर सामाजिक संजालमा राख्दै नेता सापकोटाले स्पष्ट बिचार र राष्ट्रियताको सवालमा विदेशीसामु झुक्न हुँदैन भनेर स्पष्ट धारणा बोकेको पार्टी हो माओवादी भन्दै एमसीसीको पक्षमा नलाग्ने प्रष्ट पारेका छन् ।

यस अघि पनि ओली लगायकाको दवाव र धम्की पटक पटक झेल्दै आएको भन्दै सरदले ‘अहिले सरकारमा छँदा पनि बृहत राष्ट्रिय सहमति नभई यथास्थितिमा पास गर्न सकिँदैन भनेकै हो । यथास्थिति र राष्ट्रिय सहमति कुटनीति भाषा हुन्’ उनले भनेका छन् ।

आफ्नो समाजिक संजालमा मओवादी केन्द्रका नेता युवराज दुलला सरदले यस्तो लेखेका छन् ‘चर्चा तस्विर कुटनीतिको छ यतिबेला । माओवादी केन्द्रले सरकार बाहिर छँदा पनिMCCयथास्थितिमा पास हुँदैन भनेकै हो, सभामुख महरा र सभामुख सापकोटा मार्फत केपी ओली सरकारको चर्को दवावलाई सामना गरेर रोकेकै हो र अहिले सरकारमा छँदा पनि बृहत राष्ट्रिय सहमति नभई यथास्थितिमा पास गर्न सकिँदैन भनेकै हो ।

‘यथास्थिति’ र ‘राष्ट्रिय सहमतिू’ कुटनीति भाषा हुन् । माओवादी राष्ट्रिय सुरक्षामा चुनौतिपूर्ण संशय रहेको एमसीसी पारित गर्ने पक्षमा छैन, माओवादी सरकार छोडेर बरु सडकमा आउँछ तरएमसीसी पारित गर्दैन । स्पष्ट बिचार र राष्ट्रियताको सवालमा विदेशीसामु झुक्न हुँदैन भनेर स्पष्ट धारणा बोकेको पार्टी हो माओवादी ।