एमसीसी विरुद्ध एक्लै भए पनि गर्जिए प्रेम सुवाल, चौतर्फी हाईहाई

नेपाल मजुदर किसान पार्टीका एक्ला सांसद प्रेम सुवालले एमसीसी विरुद्ध संसदमा चर्को आवाज दिएका छन् ।

एमसीसी उपाध्यक्ष फतिमा सुमार एमसीसी पास गराउँन दबाव दिन आएको भन्दै सुवालले राष्टघाती एमसीसी तुरन्त खारेज गर्नु पर्ने जोडदार माग गरेका छन् सुवालले एमसीसी पारित गर्ने नेताहरु अफगानिस्ताको राष्ट्रपतिले जस्तै देश छाडेर भाग्नु पर्ने दिन चाडै आउँने बताएका छन ।

अमेरिकी सहयोग परियोजना एमसीसी सम्झौता पारित गर्नु नेपाली जनताका लागि विष सरह हुने टिप्पणी गरेका छन् । विश्वलाई नै दुःख दिने नियतका साथ आएको एमसीसी सम्झौताबारे दुविधामा नपर्न प्रतिनिधिसभाका सांसदहरुलाई उनले आग्रह गरे ।

नेकपा एमालेका सांसदहरुको चर्को नाराबाजीबीच शुक्रबारको प्रतिनिधिसभा बैठकमा बोल्दै सांसद सुवालले भने, ‘अमेरिकी साम्राज्यवादले संसारलाई दुःख दिने कुरा संसारका सबै जनतालाई थाहा भएकै कुरा हो । यो यथार्थता नेपाली जनताले पनि बुझिसकेका छन् ।

यो विषयमा संघीय संसदका सबै माननीयहरु दुविधामा पर्नु आवश्यक छैन । बुढो बाघले शिकार गर्न नसकेपछि चुरा देखाउने र झम्टने कथा हामी सबैलाई थाहा छ । विष भनी थाहा पाइकन खाए के हुन्छ रु एमसीसी त्यही हो । अमेरिकी अधिकारीहरुले सयथरी कुरा गर्दैछन् । हामी उनीहरुका कुरामा फस्नु हुन्न ।’

उनले राष्ट्रघाती एमसीसी सम्झौताको विरोधमा प्रर्दशन गर्दा आफ्ना पार्टीका कार्यकर्तामाथि प्रहरीले दमन गरेको भन्दै सरकारको चर्को आलोचना गरे ।

आजकै बैठकमा आफ्नो सरकारले ल्याएको बजेट प्रतिस्थापन विधेयकमार्फत परिवर्तन गरेर बाचन गरेका अर्थमन्त्री जनार्दन शर्मालाई रोक्न एमालेका सांसदले अनौठो तरिका अपनाएका छन् ।

प्रमुख प्रतिपक्षको अवरोध र नाराबाजीका बीच सभामुखले जबरजस्ती संसदको कारबाही अघि बढाएको भन्दै एमालेका सांसदहरू मर्यादापालकसँग ठेलमठेल गर्दै रोष्टमतर्फ अघि बढ्न खोजेका छन् ।
पूर्व वनमन्त्री नारदमुनी राना थारु, पूर्व सहायक मन्त्री आशा विक र नरबहादुर धामीले एमालेकै अन्य सांसदको बुइमा चढेर रोष्टमतर्फ जान खोजेका हुन् । उनीहरूलाई मर्यादापालकले रोक्न हम्मे-हम्मे परेको थियो । राना कैलाली ५ बाट प्रधानमन्त्री पत्नी आरजु राणा देउवालाई पराजित गरेका सांसद हुन् ।

धामी एकीकृत समाजवादीकी सांसद रामकुमारी झाँक्री अनेरास्ववियूको अध्यक्ष हुँदा कोषाध्यक्ष थिए । अर्को पटक महासचिवमा पराजित भए पछि उनी जिल्ला राजनीतिमा केन्द्रित भएका थिए ।विक बझाङबाट प्रतिनिधित्व गर्ने सांसद हुन् ।