गोपाल किराँतीले अघि सारे अमेरिकाको कन्सीरी तात्ने प्रस्ताव, प्रचण्डको पनि नाम मुछे पनि खुमलटारमा खैलाबैला

नेकपा माओवादी मोर्चाका अध्यक्ष गोपाल किराँतीले माओवादी केन्द्रका अध्यक्ष पुष्पमल दाहाल प्रचण्डलाई गम्भिर प्रस्ताव गरेका छन् ।

किराँतीले प्रचण्डलाई एमसीसी विरुद्ध लड्न सुलेमानी बन्न तयार हुन भनेका छन् । एमसीसी विरद्ध प्रचण्डलनै नेतृत्व गर्नु पर्ने भन्दै उनले हिम्मत गर्न आग्रह गरेका छन् । अव अमेरिका सँग वारपारकै लडाई गर्नु पर्ने किराँतीको मत छ ।

अध्यक्ष किराँतीले अमेरिकालाई भूत बनेका छन् । अमेरिकालाई भूत भन्दै उनले त्यो भूतले जहाँ टेक्यो त्यहि पहिरो जाने बताएका छन् । एमसीसीको बाहनामा त्यसले दिने कुनै पनि सहयोग नेपालले लिनै नहुने चट्टानी अडान पनि उनले राखेका छन् ।

ओटीभी नेपाल डट कम सँगको विशेष कुराकानीमा अध्यक्ष किराँतीले अमेरिकाले नेपाललाई धेरै नै हेपेको भन्दै अब नेपालले पनि चिन सँग मिलेर अमेरिका सँग लड्नु पर्ने बताए । अब चिनलाई विश्व नेता मानेर अमेरिका सँग लड्नु पर्छ नत्र नसकिने भयो उनले भनेका छन् ।

एमसीसी पारित गर्न नेपाल आएकी फतिमा सुमारलाई हार्दिक मनले स्वागत गर्न नसकिने भन्दै उनले आउँनेनै हो भने जो वाइडेन आओस् भनेर पनि चुनौती दिएका छन् । अमेरिकी राष्टपती जो वाइडेन नै आएर टुँडिखेलमा प्रत्यक्ष कार्यक्रम गरेर सबै नेपालीलाई प्रष्ट पार्न सक्यो भने अनि एमसीसी मानौँला नत्र मानिँदैन उनले भनेका छन् ।

एमसीसीको विरोध गर्ने विरुद्ध देउवा सरकारले लिएको नितीको चर्को विरोध गर्दै किराँतीले यदि देउवा सरकारले एमसीसी पास गर्यो भने त्यसै दिन देउवा सरकारको दाहसंंस्कार हुने पनि बताएका छन् ।जनताले यति धेरै विरोध गर्दा गर्दै पनि देउवाले एमसीसी बोक्छन् भने उनको त्यसै दिन दाहसंसकार हुने छ किराँतीले भने ।

एमसीसी विरुद्धको आन्दोलनको नेतृत्व माओवादी केन्द्रका अध्यक्ष प्रचण्डले गर्नु पर्ने पनि किराँतीको मत छ । एमसीसी रोक्न प्रचण्डले सुलेमानी बन्न तयार हुनुपर्छ अनी मात्रै यो रोकिन्छ । सुलेमानी बन्छु भनेर प्रचण्डले भन्ने हो भने सुलेमानी पनि बनाउँदैन एमसीसी पनि रोकिन्छ उनले भने ।

ओटीभी नेपाल सँगकै कुराकानीमा किराँतीले माओवादी केन्द्रले सरकार छोडेर भए पनि एमसीसी विरुद्ध सडकमा आउनुपर्ने बताएका छन् । प्रचण्डले सडक आन्दोलनको नेतृत्व गर्ने हो भने संसद भवनले मात्रै चाहेर एमसीसी पास गराउँन नसक्ने उनको जिकिर छ ।