गंगा चौधरीलाई बदनाम गराउँने षड्यन्त्र ! भोली नै कानुनी उपचारमा जाने

नेकपा एमालेकी नेतृ एवं प्रतिनिधीसभाकी सदस्य गंगा चौधरीका विषयमा केही संचार माध्यममा आएका समाचार प्रती चौधरीले आपत्ती जनाएकी छिन् ।

आफु विरुद्ध जुन आरोप लगाएर पारिवारिक विषयमा समाचार आएको छ त्यो सबै झुटो रहको दावी चौधरीले गरेकी छिन् । झुटो कुरा फैलाउँनेहरु विरुद्ध भोलीनै कानुनी उपचारमा जाने पनि उनले प्रष्ट पारेकी छिन् ।

आफ्नो सामाजिक संजालमा सांसद चौधरीले लेखेकी छिन् नियोजित रूपमा चलेका केही संचार माध्यममा मेरो ब्याक्तीगत र पारिवारिक बिसयमा कपोकल्पित झुटा समाचार आएका छन् तिनको भ्रममा नपर्न म सबैलाई आग्रह गर्न चाहन्छु । यस्ता गलत प्रवृत्ति बिरुद्ध भोलि नै कानुनी उपचारमा जाने छु ।

राष्ट्रीयताको सन्दर्भमा खरो रुपमा आवाज उठाउँदै आएकी चौधरी माथी ठूलै षड्यन्त्रको तानाबाना बुनेर भ्रामक प्रचार भएको एमाले नेताहरुले बताएका छन् । प्रमुख पतिपक्ष दल नेकपा एमालेले संसदमा सभामुख विरुद्ध गरिरहेको प्रदर्शनमा चौधरीले सबैको ध्यान खिच्ने गरी भुमिका निर्वाह गरिरहेकी छिन् ।

आजै मात्र केहि संचार माध्यममा सांसद चौधरी र उनको पारिवारीक बिषयलाई लिएर समाचार प्रकाशित भएको थियो । उनले ती सबै आरोपहरुको खण्डन गर्दै कसैलाई पनि भ्रममा नपर्न आग्रह गरेकी छिन् कानुनी उपचारमा जाने पनि चौधरीले प्रष्ट पारेकी छिन् ।

अंगिकृत नागरिकताधारी सरिता गीरी प्रकरण देखी एमसीसी सम्मको विषयमा सांसद चौधरीले दरो सँग विरोधमा आफ्नो आवाज दिँदै आएकी छिन् । एमसीसी विरुद्ध एमाले भित्रै पनि धेरै नेताले बोल्न डराइरहेकोे बेलामा पहिलो पटक सार्वजनिक रुपमा च्यालेन्ज दिएर चौधरीनै बोलेकी थिइन् ।