जनार्दन शर्माको निधारमा लाग्यो असक्षमताको टिका, अब पनि चर्का कुरा गर्न सुहाउँछ ?

परमादेश बाट बनेको सरकारका अर्थमन्त्री जनार्दन शर्माको निधारमा असक्षमताको टिका लागेको छ ।

इतिहासमै पहिलो पटक जनार्दन शर्मा अर्थमन्त्री बनेको बेलामा नेपालमा बजेट होलीडेको अवस्था आएको छ । प्रमुख प्रतिपक्षी दल नेकपा एमालेले संसद अबरोध गरिरहेका बेला कुदेर रोस्टम पुगेर प्रतिस्थापन विद्ययेक पेस गरे पनि पास हुन नसके पछि यस्तो अवस्था आएको हो ।

देशै ठप्प हुने अवस्था आउँदा पनि अर्थमन्त्री जनार्दन शर्मालाई कुनै संकोच लागेको छैन । केहि दिन खर्च गर्न नमिल्दैमा केहि फरक पर्दैन भन्दै उल्टै चर्को स्वर गर्दै हिँडेका छन् । अझ प्रधानमन्त्री शेरबहादुर देउवा पहिले जसरी खर्च भएको थियो अब पनी त्यसै गरि हुन्छ भन्दै हिँडेका छन् माँनौ की यो नियम कानुन भन्ने कुरा देउवाका लागी बनेकै होइन भने जसरी ।

प्रतिनिधिसभाले बजेट पास गर्न नसक्दा आज (बुधबार) देखि सरकारको नियमित खर्च रोकिएको छ। अब सरकारले कर मात्र उठाउन सक्छ, खर्च गर्न सक्दैन ।

प्रतिनिधि सभाबाट बजेट अध्यादेश प्रतिस्थापन विधेयक पास नभएपछि देशमा पहिलो पटक बजेट होलिडेको अवस्था सिर्जना भएको हो। यस अघिसम्म नेपालमा यस्तो बजेट होलिडे कहिल्यै भएको थिएन ।

नयाँ गठबन्धन सरकारले अघिल्लो सरकारले अध्यादेशबाट ल्याएको बजेटलाई प्रतिस्थापन गर्दै नयाँ बजेट बनाएको छ। अघिल्लो सरकारले ल्याएको अध्यादेश प्रतिस्थापन नगरेको भए त्यो अध्यादेश पनि आजदेखि निष्क्रिय हुने थियो । अध्यादेश पनि निष्क्रिय भएको र नयाँ विधेयक पनि पारित नभएको स्थितिमा अब बजेट खर्च रोकिने अवस्था आएको छ ।

प्रतिस्थापन विधेयकमार्फत बजेट ल्याए पनि पास गर्ने समय नपुग्दा बजेट खर्च रोकिएको हो। सरकारले प्रक्रिया पूरा गरेर बजेट ल्याउन खोजेको थियो। तर प्रतिनिधिसभामा नेकपा एमालेले निरन्तर अवरोध गरेपछि नयाँ सरकारले ल्याएको प्रतिस्थापन विधेयक पास हुन सकेन। यसको असर बजेट खर्चमा देखिएको छ।

जेठ १५ गते केपी शर्मा ओली नेतृत्वको सरकारले अध्यादेशमार्फत बजेट ल्याएको थियो। सरकार परिवर्तनका कारण अध्यादेशको बजेट संसदमा पास भएन। अध्यादेशबाट आएको बजेट ६० दिनभित्र पारित गर्नुपर्ने हुन्छ। तर बजेट पारित हुनुपर्ने समय भदौ ३० सम्म भएकाले सरकारले समेत संसद् अवरोधकाबीच बजेट प्रतिस्थापन विधेयक पेस गरेको थियो।

नयाँ सरकारले ल्याएको प्रतिस्थापन विधेयकसमेत संसदबाट पास नहुँदा अबको केही दिन सरकारले खर्च गर्न सक्ने छैन।

प्रतिस्थापन विधेयक संसदमा छलफल गरी पारित गर्नुपर्ने भए पनि मंगलबारको बैठकले प्रतिस्थापन विधेयक विचार गरियोस् भन्ने सैद्धान्तिक प्रस्ताव मात्रै स्वीकृत गरेको छ। तर पास हुन अर्को संसद् बैठक कुर्नु पर्ने भएको छ र अर्को बैठक असोज ४ गते मात्र बस्ने छ।