एमसीसीकै कारण गठबन्धन फुट्नै लागेकै हो त? बल्ल बोले प्रचण्ड

परमादेश बाट सरकार बनेको दुई महिना सम्म पनि सरकार विस्तार हुन नसक्दा र एमसीसी लगायतका बिषयमा सत्तारुढ दलमा एकमत हुन नसक्दा गडबन्धन नै धरापमा परेको होकी भन्ने आशंका उत्पन्न भएको छ ।

एमसीसीकै कारण अहिलेको सत्ता गठबन्धन भत्कने र काग्रेस एमालको सरकार बन्ने चर्चा व्यापक मात्रामा चेले पछि सत्तासाझेदार प्रमुख दल नेकपा माओवादी केन्द्रका अध्यक्ष पुष्पकमल दाहाल प्रचण्डले यस बिषयमा मुख खोलेका छन् ।

अध्यक्ष प्रचण्डले एमसीसीकै कारण कुनै पनि हालतमा गठबन्धन नटुट्ने दावी गरेका छन् । एमसीसी भन्दा गठबन्धन महत्वपूर्ण रहेको भन्दै बाहिर हल्ला आए जस्तो खराब अवस्था भित्र नभएको उनले बताएका छन् । एमसीसीकै कारण गठबन्धन नटुट्ने पनि उनले दाबी गरे ।

पार्टीको प्रदेश २ स्तरीय प्रशिक्षण कार्यक्रममा सहभागी हुन शनिबार जनकपुर आइपुगेका दाहालले गठबन्धनमा कुनैपनि प्रकारको असन्तुष्टि नरहेको बताए । ‘एमसीसीभन्दा गठबन्धन महत्वपूर्ण हो,’ प्रशिक्षणपछि संवाददाताहरुसित कुरा गर्दै दाहालले भने,‘ सरकारले पूर्णता नपाएको विषयलाई बहाना बनाएर गठबन्धनमा गडबड रहेको भ्रम फैलाइयो । गठबन्धनमा असन्तुष्टि रहेको भनी प्रतिगामी शक्ति मिलेर भ्रम सिर्जना गरिरहेको छ ।’

उनले संविधान र राष्ट्रको रक्षाका लागि गठबन्धन बनेकाले टुट्दैन भन्नेमा ढुक्क रहन आग्रह गरे । ‘गठबन्धनमा कुनै किसिमको विवाद छैन । यो गठबन्धन टुट्दैन,’ दाहालले भने ।

दाहालले पहिलेको एमसीसी प्रस्तावमा रहेका विषयहरु बिगारिएकाले यसलाई बिना परिमार्जन संसद्‌बाट पारित गर्न नमिल्ने बताए । यसअघिका शेरबहादुर देउवा नेतृत्वकै सरकारको पालामा भएको एमसीसी सम्झौतामा प्रतिनिधिसभाबाट पारित गर्नुपर्ने प्रावधान नरहेको र ओली सरकारको पालामा अर्थमन्त्रीले संसद्‌बाट अनुमोदन गर्ने समझौता गरेपछि एमसीसीको विवाद चर्किएको उनले बताए ।

‘अमेरिकी संसद्‌मा एमसीसी इण्डो प्यासिफिक स्ट्राटेजीको अंग हो भन्ने विषय चर्चामा आएपछि नेपालमा विवाद झन चर्कियो,’ दाहालले भने ।‘प्राविधिक कारण’ले मन्त्रिपरिषद् विस्तारमा ढिलाइ भएको भन्दै दाहालले असोज ४ गतेभित्रै गठबन्धनको सरकारले पूर्णता पाउने दाबी गरे ।