देउवा सरकारले गरेको सम्मान पनि परमादेशमय, प्रचण्ड पत्नी सीता दाहाललाई पनि राजनितीक अभियान्ताको रुपमा विभूषण

सर्वोच्च अदालतको परमादेश बाट बनेको शेरबहादुर देउवा सरकारले संविधान दिवसको अवसरमा विभिन्न व्यक्तिहरुलाई विभुषण प्रदान गरेको छ । सम्मान दिँदा पनि सरकारले परमादेशमय बनाएको छ ।

शेरबहाहुर देउवालाई परमादेश बाट प्रधानमन्त्री बनाउँन महत्वपुर्ण भूमिका निर्वाह गर्ने न्यायाधिश देखी देउवाको पक्षमा अदालतमा बहस गर्ने अधिवक्ता सम्मले महत्वपुर्ण सम्मान हात पारेका छन् । ओलीले गरेको संसद विघठन बदर गर्ने न्यायाधिशहरुलाई सरकारले छानीछानी सम्मानित गरेको छ ।

रोचक कुरा त के छ यस पटक सम्मान पाउँनेको लिष्टमा राजनितीक आभियान्ताको कोटाबाट प्रचण्ड पत्नी सीता दाहाल पनि परेकी छिन् । विभीन्न क्षेत्रका ९ सय भन्दा बढिलाई प्रदान गरिएको मान सम्मान र पदक पाउँनेहरुमा अधिकांश काग्रेस, माओवादी र माधव नेपालका पकेटका मान्छे छन् ।

सर्वोच्च अदालतका तीनजना न्यायाधीशले प्रसिद्ध प्रवल जनसेवाश्री पाएका छन् । अनिलकुमार सिन्हा, सपना प्रधान मल्ल र तेजबहादुर केसीले यो पदक पाएका हुन् ।

प्रधानन्यायाधीश चोलेन्द्र शम्शेर जबरालाई महाउज्जवल राष्ट्रद्वीप प्रथम श्रेणीको विभूषण र र न्यायाधीश विश्वम्भर श्रेष्ठलाई उज्जवल कीर्तिमय राष्ट्रद्वीप पदक पाएकाले प्रतिनिधिसभा विघटनको पहिलो मुद्दामा संवैधानिक इजलासमा रहने सबै न्यायाधीशहरु पदकबाट विभूषित भएका छन् ।महालेखा परीक्षक टंकमणि शर्मा र महान्यायाधिवक्ता खम्मबहादुर खातीले पनि यही पदक पाएका छन् ।

पूर्वप्रधानमन्त्री एवं सत्तारुढ दल माओवादी केन्द्रका अध्यक्ष पुष्पकमल दाहाल ९प्रचण्ड०की पत्नी सीता दाहाललाई पनि राजनीतिक अभियन्ता भनेर चितवनको ठेगाना राखी यही पदक दिइएको छ ।

मुख्यसचिव शंकरदास बैरागी, प्रधानसेनापति प्रभुराम शर्मा, पूर्व प्रदेश प्रमुख तिलक परियार, वरिष्ठ अधिवक्ता कृष्णप्रसाद भण्डारीले पनि यही पदक पाएका छन् ।

प्रतिनिधिसभा विघटनको मुद्दामा तत्कालीन विपक्षी दलका नेता शेरबहादुर देउवाको तर्फबाट बहस गर्ने कानून व्यवसायीहरु सुकीर्तिमय राष्ट्रद्वीपबाट विभूषित भएका छन् ।

वरिष्ठ अधिवक्ताहरु बद्रीबहादुर कार्की, महादेवप्रसाद यादव, हरिहर विरही, मुक्ति प्रधान, मिथिलेश सिंह, रमण श्रेष्ठ, दिनेश त्रिपाठी, गोविन्द बन्दी र पदम रोक्का यो पदक पाउनेहरुको सूचीमा छन् ।

कानूनका विद्यार्थीहरु सुलभ खरेल र समृत खरेलले पनि जनसेवाश्री पाएर यो सूचीमा थपिएका छन् । यी दुवैजनाले यो मुद्दामा प्रभावकारी बहस गरेका थिए ।