लाजको पसारो भन्दै देउवा सरकारले गरेको सम्मान धमाधम फिर्ता हुँदै, फेसबुकमा बधाई खानेहरु पनि खिन्न !

परमादेश बाट बनेको देउवा सरकारले संविधान दिवसको अवसर पारेर विभिन्न व्यक्तिहरुलाई प्रदान गर्र्ने भनेर घोषणा गरेको सम्मानहरु धमाधम फिर्ता हुन थालेको छ ।

कार्यकर्तालाई मात्रै सम्मान गरेर सम्मानकै अपमान भएको भन्दै यस्तो सरकारले गरेको सम्मानरुपी लाजको पसारोलाई अस्विकार गर्ने क्रम बढेको छ । स्वतन्त्र र आफुलाई राजनितिक दलको छाँया बाट टाढा राख्न खोज्नेहरुले सम्मान फिर्ता गर्न थालेपछि सम्मानीत भइयो भनेर फेसबुकमा सम्मान खानेहरु पनि खिन्न भएका छन् ।

अहिले सम्म कार्टुनिष्ट रविन सायमी राजनिती कर्मी पीएल सिंहले ले सरकारबाट विभूषण नलिने घोषणा गरेका छन् ।संविधान दिवस २०७८ को अवसरमा सरकारले सायमीलाई ‘प्रवल जनसेवा श्री’बाट विभूषित गर्ने निर्णय गरेको छ ।

तर उनले सामाजिक सन्जालमार्फ्त सो पदक ग्रहण नगर्ने घोषणा गरेका हुन् । सायमीले लेखेका छन्, ‘सरकारले मलाई प्रवल जनसेवा श्रीबाट विभुषित गर्ने निर्णय गरेको रहेछ । तर हाललाई यो विभूषण ग्रहण नगर्ने निर्णय गरेको छु ।’

सायमीले भने, ‘पदक वितरण दलीय प्रभावबाट मुक्त हुन सकेन, त्यसैले मैले नलिने निर्णय गरें ।’ आफू ‘स्वतन्त्र रुपमा पत्रकारितालाई सहयोग गर्ने मान्छे’ भएकाले यो पदक लिन नसुहाउने उनले बताए । सरकारबाट वितरण हुने विभूषणले राष्ट्रियस्तरको प्रतिष्ठा कायम गर्न पनि नसकेको उनको भनाइ छ ।

त्यसै गरि पूर्वमेयर तथा नेपाली कांग्रेसका नेता पीएल सिंहले संविधान दिवसको अवसरमा सरकारले प्रदान गरेको ‘सुप्रशिद्ध प्रवल जनसेवाश्री’ अस्वीकार गरेका छन्।

मन्त्रिपरिषद्को निर्णय सार्वजनिक भएलगत्तै पूर्वमन्त्रीसमेत रहेका सिंहले भने, ‘यो सम्मान ग्रहण गर्नु मेरो नैतिक मान्यताविरुद्ध छ । मैले २०४७ को संविधानको षड्यन्त्रपूर्ण हत्यापछि ल्याइएको यो संविधानलाई स्वीकार गरेको छैन। त्यसैले यो संविधानअन्तर्गत दिइएको यो विभूषण मलाई स्वीकार्य छैन।’

राज्यका नाममा दिइने सम्मान स्वीकार, अस्वीकार तथा बहिष्कार गर्ने आफ्नो अधिकारको प्रयोग गर्दै आफूले यो निर्णय गरेको सिंहले बताए।

२०६३ वैशाख ११ गते विघठित प्रतिनिधिसभा व्युँताइएपछि त्यसको वैधानिकता र नैतिक हैसियतलाई प्रश्न गर्दै पूर्वप्रधानमन्त्री कृष्णप्रसाद भट्टराई र सिंहले सदनमा उपस्थित नहुने अडान लिएका थिए।

सिंह सन्त नेता कृष्णप्रसाद भट्टराई प्रतिष्ठानका अध्यक्ष पनि हुन्। भट्टराईलाई यसपल्ट सरकारले ‘नेपाल रत्न’ द्वारा विभूषित गर्ने निर्णय गरेको छ। यो सबैभन्दा ठूलो विभूषण हो। सिंहले अस्वीकार गरेको सुप्रसिद्ध प्रवल जनसेवाश्री चौथो ठूलो विभूषण हो।