पोखरा पुगेर किसान श्रेष्ठले आफ्नो तौल भन्दा ठूलो गफ दिए पछि …

तनहुँबाट निर्वाचित सांसद किसान श्रेष्ठको ज्यान पनि हेर्दै खाइलाग्दो मोटोघाटो छ । झण्डै १०० किलो नै तौल भएका श्रेष्ठले आज आफ्नो तौल भन्दा पनि ठूलो भाषण ठोकेका छन् ।

लामो समय केपी ओलीको साथमा रहेका र पछि एमाले विभाजन गरेर माधव नेपालले एमाले विभाजन गराउँदा अन्तिममा नेकपा एस तिर लागेका श्रेष्ठले आज पोखरा पुगेर चर्को भाषण गरेका छन् । एमाले बाट नेकपा एसमा कोही नआए आफु एक्लै काफी हुने गफ श्रेष्ठले भाषण दिएका छन् ।

नेता किसान श्रेष्ठले आफू एकमात्र भए पनि नेकपा एमालेलाई भार पर्ने बताएका छन् । गण्डकी प्रदेशबाट नेकपा एकीकृत समाजवादीमा प्रतिनिधित्व गर्ने उनी एकमात्र संघीय सांसद हुन् ।

चल्तीको व्यापारी समेत रहेका श्रेष्ठ तिनै व्यक्ति हुन जसले केहि समय अघि गृहमन्त्री बालकृष्ण खाँडलाई आफुलाई नसोधी एउटा पिउनको पनि सरुवा नगर्नु भनेर उर्दी जारी गरेका थिए । यो सरकार माधव नेपालका कारण बनेको र माधव नेपालले जे भन्यो त्यही हुनु पर्छ भन्ने घमण्ड उनीमा देखिन्छ ।

‘गण्डकीमा माधव नेपाललाई कमजोर भनियो । उनीहरु (एमाले) १२ र १३ जना छन्,’ पोखरामा आइतबार आयोजित विचार गोष्ठी तथा कार्यकर्ता भेलामा सांसद श्रेष्ठले भने, ‘प्रतिनिधि सभामा आफू एक्लो भए पनि म एक्लै भारी पर्नेछु ।’

गण्डकीमा माधव पक्षलाई तत्कालीन समयमा कुनै टिकट नदिएकै कारण कमजोर हुन पुगेको उनले बताए । उनले अब भने गण्डकीबाटै नेकपा एकीकृत समाजवदीको विजयको बिगुल फुकिसकेको समेत दाबी गरे ।

‘गण्डकीका १८ वटा क्षेत्रमा एउटा पनि टिकट दिइएन । अनि माधव नेपाल कसरी बलियो हुन्छ ?’ उनले भने, ‘आजदेखि नेकपा एकीकृत समाजवादीले बिगुल फुक्यो, आजदेखि देखाइदिन्छौं हामी कमजोर हो कि के हो भनेर ’

आफू बीसौं वर्षदेखि ओली गुटमा रहे पनि गल्ती महसुस गर्दै माधव पक्षमा आएको उनको भनाइ थियो । ओलीले २ पटक संविधान विरोधी काम गर्दा पनि साथ दिएको बताउँदै उनले भने, ‘पछि गल्ती गरेको रहेछु भन्ने बुझें र शेरबहादुर देउवालाई विश्वासको मत दिएँ ।’