सत्ता र प्रतिपक्षी दुवैको रणनिति बाहिरियो, संसदमा आज सम्म कहिल्यै नभएको घम्साघम्सी आज हुन सक्ने

प्रमुख प्रतिपक्षी दल नेकपा एमालेलले संसदमा निरन्तर अवरोध गरिरहेको छ । आज पनि बिहान ११ बजे संसद बैठक बस्दै छ । आजको बैठकमा पनि ठुलो घम्साघम्सी पर्ने अवस्था देखीएको छ ।

परमादेश बाट बनेको देउवा सरकाले बजेट संसद बाट पास गराउँन नसक्दा देशै बजेट विहिन अवस्था पुगेको छ । एमाले जसरी पनि संसद अवरोध कायम राख्न चाहन्छ भने सरकारले आज जसरी भए पनि बजेट पास गराउँने पक्षमा रहेको छ ।

सत्तापक्ष र प्रतिपक्षको टसल आज स्पष्ट रुपमा संसदमा देखिने अवस्था आएको छ । सरकारले जबजस्ती गर्न खोजे प्रतिपक्ष एमालेले पनि झन कडा रुपमा प्रस्तुत हुन तयारी अवस्थामा रहेको छ यसले गर्दा आज संसदमा थप कठोर अवस्था आउँन सक्ने देखीन्छ ।

बिहान ११ बजे प्रतिनिधि सभाको बैठक बस्दै छ । सरकार अध्यादेशमार्फत आएको बजेटमाथिको प्रतिस्थापन विधेयक अघि बढाउने तयारीमा छ । समयमा बजेट पारित नहुँदा सरकारले खर्च गर्न नसक्ने अवस्था सिर्जना भएकाले कर्मचारीलाई तलब खुवाउनकै लागि भए पनि आज बजेट पास गर्नैपर्ने बाध्यता सरकारलाई छ ।

प्रतिनिधि सभाको नवौं अधिवेशनका ४ बैठक अवरोध गरिसकेको एमालेले सोमबारको बैठक पनि अवरुद्ध गर्ने तयारी गरेको छ । सभामुख अग्निप्रसाद सापकोटाले आज असोज ४ गते बस्ने गरी प्रतिनिधिसभा बैठक डाके पनि पार्टी विभाजन गर्न सभामुखले सघाएको भन्दै प्रतिपक्षी एमालेले सदन अवरुद्ध पार्दै आएको हो ।

कर्मचारीलाई तलब खुवाउन आज संसदबाट बजेट पारित गर्नैपर्ने सरकारको बाध्यता छ । माग पूरा नभएसम्म अवरोध जारी राख्ने एमालेको तयारी छ । आजको संसद बैठकमा दुबै पक्षको घम्साघम्सी हुने संकेत देखिएको छ ।

गत भदौ २५ गते प्रतिनिधि सभामा अर्थमन्त्री जनार्दन शर्माले पूर्ववर्ती ओली सरकारले ल्याएको बजेटमाथि प्रतिस्थापन विधेयकमार्फत संशोधित बजेट प्रस्तुत गरेका थिए । आज सो विधेयक अघि बढाउने विषय प्रतिनिधि सभाको कार्यसूचीमा पर्ने संघीय संसद सचिवालयले जनाएको छ ।

प्रतिपक्षी एमालेले सभामुखसँग गरेको माग यथावत रहेको र त्यसलाई पूरा गर्ने सन्दर्भमा कुनै छलफल नभएकाले आज पनि बैठक अवरुद्ध हुने एमालेका प्रमुख सचेतक विशाल भट्टराईले जानकारी दिए ।

एमाले नेता भट्टराईले भने, ‘हाम्रा मुद्दाहरु यथावत छन्, हामीले चलाइरहेको विरोध अभियानलाई निरन्तरता दिन्छौँ । सभामुखसँग हाम्रो जुन मुद्दा छ, त्यो छिनोफानो नभएसम्म हाम्रो कसरी सहमति हुन सक्छ ?

नेकपा माओवादी केन्द्र संसदीय दलका प्रमुख सचेतक देव गुरुङले एमालेले अवरोध गरे पनि अब बजेटसम्बन्धी प्रतिस्थापन विधेयक अघि बढाएर पास गर्नुको विकल्प नभएको बताए । सोमबारको बैठकमा यो विधेयक नै प्रमुख कार्यसूची बन्ने उनले बताए । सत्तारुढ दलसँग संसदमा बहुमत भएकाले विरोधका बीच पास गर्न कुनै समस्या नभएको उनले बताए ।

एमालेले वार्ताबाट सहमति नचाहेको आरोप लगाउँदै जसरी हुन्छ सदन अवरुद्ध गर्न खोजेको नेता गुरुङले उल्लेख गरे । गुरुङको प्रश्न छ, ‘अदालतमा विचाराधीन मुद्दा संसदमा ल्याएर कसरी हल हुन्छ ?