आज दिउँसो देखी राजेन्द्र पाण्डे चौपट्टै खुशि

वाग्मती प्रदेशको मुख्य मन्त्री कहिले बनौँला भनेर खुट्टा उचालेर बसेका नेकपा एसका नेता राजेन्द्र पाण्डे आज दिउँसो पछि भने खुशि भएका छन् ।

वाग्मती प्रदेशको सरकार परिवर्तन त हुने तर नेपाली काग्रेसका नेता इन्द्र बाँनीयाले पनि सोही पद ताकेर बालुवाटरमा दबाव बढाए पछि झस्किएका पाण्डेलाई आज बाट केहि राहत मिलको छ । अब चाँही मुख्यमन्त्री बन्छुकी भन्ने आशा उनमा जागेको छ ।

राजेन्द्र पाण्डे खुशि हुनुको कारण हो आज दिउँसो मात्रै उनको पार्टीका अध्यक्ष माधव कुमार नेपालले दिएका अभिव्यक्ति । माधव नेपालले आज मात्रै वाग्मती र प्रदेश नम्बर १मा नेकपा एसको नेतृत्वमा सरकार बन्ने भन्दै स्वागतका लागी तयार रहन भनेका थिए ।

सोमबार पेशागत महासंघ नेपालको राष्ट्रिय समितिको विस्तारित बैठकलाई सम्बोधन गर्दै अध्यक्ष नेपालले भने, ‘एक र तीन नम्बर प्रदेश (बागमती) मा छिट्टै अब हाम्रो पार्टीको नेतृत्वमा सरकार बन्न गइरहेको छ ।तपाईंहरु स्वागत गर्नका लागि तयार रहनुस् भन्न चाहन्छु ।’

उनले आफ्नो पार्टी कसैको पार्टीभन्दा कम नभएकाले नेता कार्यकर्तालाई नआत्तिन समेत आग्रह गरे । प्रदेश २, कर्णाली र सुदुरपश्चिम प्रदेशमा आफ्नो पार्टीको सशक्त उपस्थिति रहेको भन्दै नेताहरुलाई उनले धन्यवाद व्यक्त गरे ।

नेपालले एमालेबाट आफूहरु चोइटिएर हाइसञ्चो भएको भन्ने केपी ओलीको भनाइप्रति लक्षित गर्दै हाइसञ्चो भएको मान्छेले किन संसदमा नारा लगाउनुपर्‍यो भन्ने प्रश्न समेत गरे ।

‘आज हामी सुनिरहेका छौं चोइटिएर केही मान्छेहरु गए, हाइसञ्चो भयो । यो साँच्चै हो भने त त्यो संसदमा नारा किन लगाउनुपर्‍यो हाइसञ्चो भएको मान्छेले रु,’ उनले प्रश्न गरे, ‘कति छन्, ९ प्रतिशत छन्, २ प्रतिशत छन्, पिलो निचरिएर आनन्द भयो भन्ने मान्छेले दिनदिनै किन त्यहाँ कराउनुपर्ने स्थिति बनेको छ संसदमा ?’

अध्यक्ष नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भए पनि एमाले सांसदहरु अरुको काँधमा चढेर, माइक खोस्दै नाक भाँचिदिन्छु भन्दै संसदमा उफ्रिएको टिप्पणी गरे ।