एमाले कार्यकर्ताले एउटा कानले पनि सुन्न नचाहने कुरा घनश्याम भुषालले लिखित रुपमा राखेपछि देशभरका एमाले कार्यकर्ता आक्रोसित

लामो समय माधव नेपालको साथमा रहेका तर एमाले विभाजन हुँदा एमालेमै रहेका नेकपा एमालेका उपमहासचिव घनश्याम भुषाल सँग एमाले कार्यकर्ताहरु आक्रोसित बनेका छन् ।

भुषाललाई पहिले देखीनै मदन भण्डारीले प्रतिपादन गरको जनताको बहुदलीय जनवादको विरोधीको रुपमा चिनिथ्यो अहिले उनले त्यसलाई पुष्टि हुने खालको प्रस्ताव एमाले स्थायी कमिटीको बैठकमा गरेका छन् । भुषालको प्रस्तावले एमाले कार्यकर्तामा आक्रोस बढेको छ ।

एमाले कार्यकर्ताहरु जबज मााथी कसैले प्रश्न उठाएको र आक्रमण गरेको सुन्नै चाहँदैनन् तर घनश्याम भुषालले एमाले स्थायी कमिटी बैठकमा जनताको बहुदलीय जनवाद कुनै हालतमा पनि मार्गदर्शक सिद्धान्त बन्नै नसक्ने भन्दै आपत्ती जनाएका छन् ।

बहुदलीय जनवादले मार्गदर्शक सिद्दान्तका रुपमा काम नगर्ने पनि भुसालको भनाइ छ । ‘जनताको बहुदलीय जनवादबारे हामीले क। मदन भण्डारीको देहान्तपछि छलफल गर्न छोडेका छौँ, ’ भनिएको छ, ‘उहाँले जनताको बहुदलीय जनवादलाई कार्यक्रमको रूपमा अगाडि सार्नुभएको थियो । छैठौँ महाधिवेशनमा त्यसलाई सिद्धान्त निर्माणको कुनै आधार नै नदिइकन सिद्धान्त भनियो ।’

भुसालले पार्टी विभाजनलाई ‘वैरी हँसाउने घटना’को संज्ञा दिएका छन्।‘पार्टी विभाजन अनपेक्षित, वैरी हँसाउने घटना थियो,’ भुसालले राखेको लिखित धारणामा भनिएको छ, ‘त्यसमा रहेकाकमिकमजोरीबाट सिकेर, पार्टीका वैचारिक, सैद्धान्तिक तथा सांगठानिक प्रस्तावहरूमा समेत आधारित भएर भविष्यमा कम्युनिष्ट एकताको पहलकदमी हामी आफैंले लिनु पर्नेछ ।’

भण्डारीले कार्यक्रमका रूपमा थपेका सबै विशेषता अभ्यास गरिसकिएको भन्दै उनले यो मार्गदर्शक सिद्दान्त नबन्ने दावी गरेका छन् । ‘क। मदनले नयाँ जनवादी कार्यक्रममा १४ वटा विशेषता थपेको हुँदा त्यसलाई जनताको बहुदलीय जनवादी कार्यक्रम भन्नुपर्छ भन्नु भयो,’ भुसालको भनाइ छ, ‘ती १४ विशेषता हामीले अभ्यास नै गरिसकेका छौँ । यसर्थ अब पनि कार्यक्रमका रूपमा त्यसले हामीलाई मार्गदर्शन गर्छ भन्नु अतिशयोक्ति हुन्छ ।’