अन्तत नयाँ आइडिया लगाएर भोलीनै मन्त्रीपरिषद विस्तार हुने, बल्ल खुशि भए उपेन्द- बावुराम

मन्त्रीपरिषद विस्तारका बिषयमा सत्तारुढ दलहरु विचको विवादले मुख देखाइनसक्नुको अवस्था आए पछि नयाँ आइडिया लगाएर भोलीनै मन्त्रीपरिषद विस्तारको तयारी गरिएको छ ।

परमादेश बाट प्रधानमन्त्री बनेको ७२ दिन पछि बल्ल तल्ल एक जना परराष्ट्रमन्त्री बनाउँन सफल भएका देउवाले गठबन्धनका चार थरी नेताको चार थरि कुराले मन्त्रीपरिषद विस्तारको गाँठोनै फुकाउँन नसक्ने अवस्था आए पछि नयाँ जुक्ती निकालिएको छ ।

विशेष गरी सत्तारुढ दल जनता समाजवादीले दल विभाजन सम्बन्धी अध्यादेश खारेज वा निस्कृय नगरिकन कुनै हालतमा मन्त्रीपरिषद विस्तार गर्न नहुने अडान लिएको थियो । यथा अवस्थामा मन्त्रीपरिषद विस्तार गर्दा भोलीपल्टै पार्टी फुट्ने हिसाब उपेन्द्र बावुरामले निकालेका थिए ।

माओवादी केन्द्र र नेकपा एसले मन्त्रीपरिषद विस्तार गरिहालाँ भने पनि जसपाकै अडानका कारण रोकिएको थियो । सरकारले दल विभाजन सम्बन्धी अध्यादेश संसदमा टेबुल गरिसकेको छ ,। यस्तो अवस्थामा फिर्ता लिन पनि नमिल्ने र स्वाभाविक रुपमा निस्कृय हुन कार्तिक १९ गते सम्म कुर्नु पर्ने भए पछि समाधानका लागी नयाँ उपाय निकालिएको छ ।

स्रोतले दिएको जानकारी अनुसार भोलीनै बस्ने प्रतिनिधी सभाको बैठकमा सरकारले दल विभाजन सम्बन्धी अध्यादेशको प्रतिस्थापन विद्ययेक पेस गर्ने तयारी गरेको छ । भोली नै पेस गरेर भोलीनै पास गर्ने अनि बेलुका सम्ममा मन्त्रीपरिषद विस्तार गर्ने तयारी गरिएको छ । प्रतिस्थापन विद्ययेकमा दल विभाजनका लागी पुरानै व्यवस्था गरिन लागेको छ ।

नेकपा (माओवादी केन्द्र)का प्रवक्ता कृष्णबहादुर महराले पनि भोलि (बिहीबार) मन्त्रिपरिषद् विस्तार हुने बताएका छन् ।आज स्थायी कमिटीको बैठकपछि पत्रकारहरूसँग प्रवक्ता महराले केही बेरमा सत्ता गठबन्धनको बैठक बस्न लागेको भन्दै बिहीबार मन्त्रिपरिषद् विस्तार हुने जानकारी दिए ।

“अहिले केही बेरमा गठबन्धनका नेताहरू बस्दै हुनुहुन्छ, त्यो बैठकले सरकार सञ्चालन निर्देशिका पारित गर्नेछ,” उनले भने, “त्यसपछि भोलि मन्त्रिपरिषद् विस्तार हुन्छ ।”

उनले राजनीतिक दलसम्बन्धी अध्यादेशका विषयमा पनि गठबन्धनका नेताहरूले नै निर्णय लिने जानकारी दिए । “अध्यादेश खारेजीको कुरा आइरहेको छ, भोलि नै पार्लियामेन्ट छ, त्यहाँ प्रतिस्थापन विधेयक पनि जानसक्छ,” महराले भने, “त्यसपछि विधेयक विषयमा सबै दलको राय समान हुन्छ ।