क्यानडा ससुराली भएका खड्कालाई देउवाले छापामार शैलीमा किन बनाए परराष्ट्रमन्त्री? यस्तो छ भित्री रहस्य

परमादेश बाट प्रधानमन्त्री बनेको लामो समय पछि प्रधानमन्त्री शेरबहादुर देउवा एकाएक काग्रेस नेता डा नारायण खड्कालाई परराष्ट्रमन्त्री बनाए पछि यसको कारण खोजि हुन थालेको छ ।

प्रधानमन्त्रीको सपथ खाएकै दिन देउवाले आफ्नै कोटा बाट बालकृष्ण खाँडलाई गृहमन्त्री र ज्ञानेन्द्र बहादुर कार्कीलाई कानुनमन्त्री बनाएका थिए भने त्यसको केहि समय पछि श्रीमती आरजु राणाको कोटा बाट विवादास्पद व्यापारी उमेश श्रेष्ठलाई स्वास्थ राज्यमन्त्री बनाएका थिए । अहिले पनि त्यहि शैलीमा खुसुक्क डा नारायण खड्कालाई परराष्ट्रमन्त्री बनाए पछि काग्रेसजन झस्किएका छन् ।

ेदेउवाले केही समयको अन्तरालमा खुसुखुसु आफ्ना मान्छेलाई मन्त्री बनाउँन थाले पछि काग्रेस भित्रकै अर्को खेमा झस्किएको छ । सरकार बने पछि मन्त्रीका लागी दौडधुप गरेको भनेर धेरे काग्रेसी नेताहरुको नाम आएको थियो तर नारायण खड्काको नाम कहिँ कतै सुनिएको थिएन ।

एकाएक छापामार शैलीमा देउवाले क्यानडा ससुराली भएका एमसीसीका कट्टर समर्थक र शुसिल कोइराला प्रधानमन्त्री भएका बेला शहरी विकास मन्त्री हुँदा भुकम्प पिडितको त्रिपालमा करोडौँ घोटलामा मुछिएका व्यक्तिलाई परराष्ट्र मन्त्रालयको चाबी बुझाएका छन् ।

डा नारायण खड्का काग्रेस पार्टी भित्र खासै लाइमलाइटमा भएका नेता होइनन् उदयपुर बाट निरन्तर जसो चुनाव जिते पनि काग्रेस भित्रको साँगठनिक राजनितीमा उनको खासै पहुँच र प्रभाव छैन । उनको सबैभन्दा ठूलो विशेषता भनेको गतिलो गाँठवाला र मौका ढुकेर फुत्त गुट परिवर्तन गरिहाल्न भने उनी माहिर रहेका छन् ।

बाहिर हल्ला नगर्ने तर भित्र भित्र को बाट कति खेर कसो गरि काम लिन सकिन्छ भन्ने कुरामा भने खड्का माहिर देखिएका छन् । अन्तराष्ट्रीय शक्ति केन्द्रलाई पनि रिझाउँन जानेका कारण एमसीसीका पनि खास समर्थक भएको र गाँठ फ्याक्टरले पनि काम गरेको हुनाले मन्त्रीका आकांक्षी धेरैलाई जिल खुवाउँदै खड्काले बाजी मोरेको अनुमान गरिएको छ ।

क्यानडियन नागरिक इशावेलसँग विवाह गरे पछि खड्को भाग्य चम्कँन थालेको बताइन्छ । श्रीमतीकै माध्यम बाट विभिन्न आइएनजीओ भित्राएर नेपालमा विभिन्न क्षेत्रमा पनि उनले काम गरिहेका छन् । उनकी श्रीमतीको माध्यम बाट देउवा पत्नी आरजू राणा सँग गहिरो सम्बन्ध हुन सक्ने त्यसले पनि अहिले मन्त्री बनाएको हुन सक्ने पनि अुनुमान गरिएको छ ।

गुट र फुट बाट फाइदा लिने कुरामा पनि खड्काले किर्तीमानै राखेका छन् । सुरुमा कृष्ण प्रसाद भट्टराईको सल्लाहकार हुँदै किसुन जी कै कृपाले राजनीतिमा जमेका उनी राष्ट्रीय योजना आयोगको उपाध्यक्ष पनी भइसकेका छन् भने शुशिल कोइराला सरकारमा कोेइरलाको प्यारो बनेर शहरी विकास मन्त्री पनि बनेका थिए ।

शेरबहादुर देउवाले काग्रेस फुटाएर नेपाली काग्रेस प्रजातान्त्रीक बनाउँदा उनी देउवा सँग गएका थिए भने काग्रेसको १३ महाधिवेशन सम्म आइपुग्दा देउवालाई छोडेर फेरी शुशिल कोइरालाका खास मान्छे बनेका थिए ।

कोइरालाकै कृपाले मन्त्री बनेका उनी पछिल्लो समय फेरी देउवा सँग नजिकिएर मन्त्री बन्न सफल भएका छन् । विशेष गरि अन्तराष्ट्रीय सम्बन्ध र गाँठ फ्याक्टरलेनै खड्कालाई मालदार मन्त्रालयको कुर्सीमा पुर्याएको अनुमान गरिएको छ।