केपी ओलीले जे ल हाल्छन् भनेर प्रचण्ड थर्कमान, बल्ल आज आएर आफैँले खोले पुरानो कुरो

नेकपा माओवादी केन्द्रका अध्यक्ष पुष्पकमल दाहाल प्रचण्डले निवर्तमान प्रधानमन्त्री केपी ओलीले संसद विघठन गर्दा आफुलाई मनमा लागेको कुरा बल्ल आज खोलेका छन् ।

संसद विघठन विरुद्ध आन्दोलन गर्दा केपी ओलीले कुनै पनि बेला समातेर जे ल हाल्न सक्ने अनुमान आफुले गरेको प्रचण्डले बताएका छन् । प्रतिक्रियावादीहरुले उचालेको मान्छेले मलाई जे ल पनि हाल्न सक्छ भन्ने लागेको थियो उनले भनेका छन् ।

ओलीले जे ल हाल्न सक्ने बुझेर पनि आफुले प्रतिगमन विरुद्धको आन्दोलनको नेतृत्व गरेको भन्दै प्रचण्डले ज्यान गए जाला भनेर आन्दोलनमा होमिएको भन्दै कार्यताहरुलाई ओलीलाई हरुवा, भगौडा भन्दै गाउँगाउँमा गएर प्रतिवाद गर्न पनि निर्देशन दिएका छन् ।

माओवादी केन्द्रका अध्यक्ष पुष्पकमल दाहालले पार्टीबाट अलग्गिएका रामबहादुर थापा, टोपबहादुर रायमाझीहरुलाई सम्झिँदा पनि आफूलाई एलर्जी हुने गरेको टिप्पणी गरेका छन् ।

काभ्रेमा बिहीबार आयोजित योङ कम्युनिस्ट लिग (वाईसीएल) नेपालको पाँचखाल नगर सम्मेलनलाई सम्बोधन गर्दै दाहाले एमालेमा लागेका नेताहरुप्रति उक्त टिप्पणी गरेका हुन् ।

दाहालले भने, ‘त्यो टोपबहादुर भन्नेलाई मैले कतिचोटी मन्त्री बनाएँ । अहिले कहाँ हेर्नुस् त ! त्यो बादल हिजोको साथी । अहिले त सम्झिँदा पनि तैट ! एलर्जी हुन्छ तानेर ल्याएर गृहमन्त्री, सरकारको नेतृत्व तपाईंले गर्नुस् भनेर बनाएको त माओवादीले, मैले हो नि ! हेर्नुस् । जो जति माथि आएको छ । त्यो त्यति बिग्रिएको छ । बुझ्नु होला ! तत्कालीन नेकपा पुरानै अवस्थामा फर्किएपछि थापा समूह एमालेमा लागेका थिए ।

दाहालले अगाडि भने,’तल ग्राउन्डमा बस्ने कार्यकर्ता कोही बिग्रिएका छैनन् । बिग्रिएका भनेका टाठाबाठा, चुनाव जितेका धेरैजसो छन्,’ दाहालले भने, ुमेरो अनुभवले के देखायो भने जल्लाई धेरै मन्त्री बनाएँ त्यही सबभन्दा धेरै भगौडा । त्यही धोकेबाज । कोही कोहीलाई मन्त्री बनाएसी ठीक हुन्छ भन्ठानेको त के को हुन्थ्यो ?

नेताहरुको प्रवृत्ति नबदल्ने हो भने पार्टी विघटन गर्नुपर्छ भन्ने धारणा पछिल्लो समय दाहालले राख्दै आएका छन् । उनले आफू पनि बिग्रिएकोले सच्चिन तयार रहेको बताए । ुम अरुलाई धेरै भन्दिनँ । बिग्रिएको मै हुँ । अब म सच्चिन्छु ।

अरु कोको सच्चिने, नसच्चिने तपाईंहरु सोच्नुस्,’ उनले थपे, ‘हिजो जनयुद्धमा हामफालेँ । अर्कोपटक शान्ति प्रक्रियामा हामफालेँ । कहिले संविधान बनाउनमा हामफालेँ । पार्टी एकतामा हामफालियो । फेरि समाजवादी क्रान्तिका लागि म चाहिँ हामफालेँ फालेँ । तपाईंरहामी सबैले यो फटाहाले बिगार्‍यो भन्नुभन्दा, मैले के बिगारेँ भन्ने सोच्न थालियो भने त्यहींबाट रुपान्तरण सुरु हुन्छ ।’

दाहालले बाँकी जीवन समाजवादी क्रान्तिका लागि लड्ने भनाइ पुनस् दोहोर्‍याए । ‘अब कति वर्ष बाँचिन्छ । ज्यान छोडेर समाजवादी क्रान्तिको निम्ति युवाहरुको नेतृत्व गर्छु म । तपाईं युवाहरुले मलाई साथ दिनपर्‍यो पहिलेजस्तै । मचाहिँ हामफालेँ फालेँ ।’