चितवनमा प्रचण्ड सँग देवी ज्ञवाली भिड्ने ,प्रचण्डको जमानत जफत हुने ठोकुवा

नेकपा माओवादी केन्द्रका अध्यक्ष पुष्पकमल दाहल प्रचण्ड केहि दिन यता नेकपा एमाले प्रति आक्रामक भाषण गर्दै हिँडेका छन् ।

कहिले म एक्लो हुन्छु भन्छन् त कहिले आगामी चुनावमा सबैभन्दा ठूलो दल माओवादी बन्ने भाषण ठोक्छन् । प्रचण्डको एकै खालको बोली आइरहेको छैन । हुँदा हुँदा अहिले त आफ्नो भातृसंगठन वाइसियललाई गुर्न नगर्नु सबै गर्नुस् समेत भनिसकेका छन् ।

हिजो मात्रै काभ्रेको पाँचखालमा आयोजित एक कार्यक्रममा प्रचण्डले एमाले अध्यक्ष केपी ओलीलाई हरुवा र भगौडा भन्दै आफुलाई विजेता घोषणा गरेका छन् । सोझो हुँदा धेरैले हेपेको भन्दै प्रचण्डले कार्यकर्तालाई आक्रामक हुन निर्देशन दिएका थिए ।

प्रचण्डले जति उत्तेजक भाषण गरे पनि आगामी निर्वाचमा माओवादीको हरिबिजोग हुने हिसाब निकाल्न थालिएको छ । विभिन्न चर्चित व्यक्तिहरुले आगामी निर्वाचनमा माओवादी प्रत्यक्ष तर्फ जम्मा २ सिट मात्रै जित्ने हिसाब सुनाएका छन् ।

यहि विचमा राजनितिक विश्लेषक हेमन्त सेडाइले आगामी निर्वाचनमा प्रचण्डलाई एमाले नेता देवी ज्ञवालीले जमानत समेत जफत हुने गरि हराउने दावी गरेका छन् । सेडाइले प्रचण्ड सँग चितवनमा देवी त्रवालीले नै चुनाव लड्ने र प्रचण्डले जमानत पनि जोगाउँन नसक्ने दवी गरेका छन्।

ओटीभी नेपाल डट कम सँगको विशेष कुराकानीमा विश्लेषक सेडाइले अब को दुई बर्ष पछि प्रचण्ड सन्यासी बनेर देवघाटमा जानु पर्ने अवस्था आउँने बताएका छन् । केही दिन अघि राजधानीमा आयोजित एक कार्यक्रममा प्रचण्डले सबै हिसाब किताब गरेर नै म एक्लो हुन्छु भनेको सेडाइको जिकिर छ ।

आज भोली प्रचण्डले बाहिर देखाउनको लागी आफु बलियो भएको जस्तो नाटक रचिरहेको सेडाइले बताएका छन् । मन बाट कमजोर भए पछि जनताको आँखामा छारो हाल्नको लागी माओवादी फेरी पहिलो पार्टी बन्छ भन्ने लगायतको कुरा गरेर प्रचण्ड हिडेको सेडाइले बताए ।

कुराकानीको क्रममा विश्लेषक सेडाइले अहिलेको गठबन्धन सिसा जसरी चर्किसकेको भन्दै कुनै पनि बेला ढल्न सक्ने पनि जिकिर गरेका छन् । टाउकोको मुल्य तोक्ने र तोकिनेको एउटै गठबन्धन बनेको भन्दै सेडाइँले यो गठबन्धन नटिक्ने पनि दावी गरेका छन् ।

राजनितीक विश्लेषक हेमन्त सेडाइँ सँग ओटीभी नेपालले गरेको भिडियो कुराकानी हेुर्नहोस्