अन्तत : माओवादीबाट मन्त्री बन्नेहरुको अन्तिम लिष्ट पुग्यो देउवाको हातमा !

दल विभाजन गर्न ल्याईएको अध्यादेश फिर्ता गरेपछि प्रचण्डले मन्त्रीहरुको टुङ्गो लगाएकाछन् । सरकारले एमाले विभाजनका लागी ल्याएको दल विभाजन सम्बन्धी अध्यादेश खारेज गरे सँगै आज या भोली सम्ममा मन्त्रीपरिषदलाई पुर्णता दिने तयारी प्रधानमन्त्री शेरबहादुर देउवाले गरेका छन् ।

सरकारमा जान सबै भन्दा हतार भएको एमाले विभाजन गरेर बनेको नेकपा एसले मन्त्रीहरुको नामावली नेकपा एसका अध्यक्ष माधव कुमार नेपालले गोजीमा बोकेर हिँडेका छन् भने सत्ताघटक अर्को दल माओवादी केन्द्रले मन्त्री बन्नेहरुको नाम मोटामोटी फाइनल गरेको छ ।

पार्टीका ४९ जना सांसद सबैलाई मन्त्री चाहिएको छ त्यसकारण म ठूलो तनावमा छु भनेका माओवादी केन्द्रका अध्यक्ष पुष्पकमल दहाल प्रचण्डलाई सो पार्टीको स्थायी कमिटी बैठकले मन्त्री छान्ने एकल अधिकार दिए पछि नाम फाइनल गरेको स्रोतको दावी छ ।

नेकपा माओवादी केन्द्रले ५ मन्त्री र एक राज्यमन्त्री पाउने सहमति भएको छ । प्रधानमन्त्री शेरबहादुर देउवा नेतृत्वको सरकारमा माओवादीले ५ मन्त्री र एक राज्यमन्त्री पाउने सहमति भएको हो ।

माओवादीे केन्द्रले यसअघि मन्त्री नभएकालाई सरकारमा पठाउने तयारी गरेको छ । अर्थमा जनार्दन शर्मा र ऊर्जामा पम्फा भुसाल मन्त्री भइसकेका छन् । माओवादीबाट तीन मन्त्री र एक राज्यमन्त्री थप्ने तयारी छ ।

एक नेताका अनुसार सरकारमा सहभागी हुने मन्त्रीमा यसअघि मन्त्री नभएका सांसदले अवसर पाउने भएका छन् । एक स्थायी समिति सदस्य देवेन्द्र पौडेल मन्त्री हुने पहिलो लिस्टमा छन् ।

उनी लगभग मन्त्री हुने निश्चित भइसकेको छ । त्यस्तै माओवादीबाट अञ्जना विशंङखे र शशी श्रेष्ठमध्ये एक जनालाई सरकारमा पठाउने तयारी रहेको छ ।सबै समुदाय र भूगोलको प्रनिधित्व गराउनुपर्ने भएकाले सुदन किराती, महेश्वर गहतराज ‘अथक’लाई पनि मन्त्री बनाउने माओवादीको तयारी छ ।

यसअघि मन्त्री भइसकेका नेताबाट सरकारमा गएमा स्थायी समिति सदस्य हरिबोल गजुरेल, मातृका यादव र देव गुरुङ हुन सक्नेछन् । राजनीतिक दल सम्बन्धी अध्यादेश खारेज भइसकोको छ अब तत्काल मन्त्रिपरिषद् विस्तार गर्ने सरकारको तयारी छ ।