डा केसीको खुलासाले नयाँ तरंग ‘नारायण खड्का परराष्ट्रमन्त्री बन्छन् भन्ने देउवालाई पनि थाहा थिएन !’

चर्चित राजनितिक विश्लेषक डा सुरेन्द्र कसीले काग्रेस नेता डा नारायण खड्का परराष्ट्रमन्त्री बन्छन् भन्ने कुरा प्रधानमन्त्री देउवालाई थाहा नभएको दावी गरेका छन् ।

झट्ट सुन्दा अचम्म लाग्दो कुरा सनिए पनि डा केसी केहि गम्भिर तथ्य सहित यस्तो दावी गरेका हुन् । नेपालमा गृहमन्त्री र परराष्ट्रीमन्त्री विदेशी शक्ती केन्द्रले नाम पठाएको मान्छे मात्रै हुने भन्ने भन्दै डा केसीले जसको नाम आयो उहि बनेको ठोकुवा गरेका छन् ।

ओटीभी नेपाल डक कम सँगको विशेष कुराकानीमा डा केसीले भनेका छन् ‘म दावा गरेर भन्छु नेपालमा गृहमन्त्री र परराष्ट्रमन्त्री प्रधानमन्त्रीले चाहदैमा बन्न सक्दैन बाहिर बाटै नाम आउँन पर्छ जसको आयो उहि बनेको हो यसमा कुनै दुई मत नै छैन’ ।

नेपाली काग्रेसबाट मन्त्री बन्नेमा खासै चर्चा पनि नभएका र पार्टी भित्र पनि साँगठिक पहुँच नभएका मान्छेलाई किन महत्वपुर्ण मन्त्री बनाइयो भनेर विभीन्न आशंका गरिएको बेलामा डा केसीको यस्तो दाबी आएको हो । खड्का भन्दा योग्य अरु थुप्रै नेता परराष्ट्रमन्त्री बन्न सक्ने क्षमता भएका काग्रेसमा भएको पनि उनले बताएका छन् ।

एमसीका कट्टर समर्थक मन्त्री डा खड्काले अमेरिका पुगेर डा केसीले गरेको दावीलाई पुष्टि हुने खालको अभिव्यक्ति पनि दिएका छन् । एमसीसी सम्झौतामा कुनै परिमार्जन हुन नसक्ने र जस्ताको तस्तै पास गर्नु पर्ने अडान पनि मन्त्री खड्काले राखेका छन् ।

कुरा नबुझेकाहरुले अनावश्यक रुपमा गिजोलेर एमसीसीका बारेमा भ्रम फैलाइएको भन्दै उनले नेपालमा एमसीसीको विरोध गर्नेहरुमाथी अमेरिकी भुमीमा पुगेर खनिएका छन् । माइतीघर मण्डलामा उफ्रनेहरु कुरै नबुझी उफ्रिएका हुन् भन्दै खड्का नेपाली जनता माथी अमेरिका पुुगेर खनिएका छन् ।

फरक प्रसंगमा डा केसीले नेपाली काग्रेसलाई सरकारको नेतृत्व गर्ने जनादेशनै नभएको भन्दै दिनप्रतिदिन काग्रेस जनताको नजरमा गिर्दै गएको र अब आउँदो निर्वाचनमा नराम्रो धक्का खाने पनि ठोकुवा गरेका छन् । फेरी पनि ओलीकै पल्ला भारी हुने दावी डा केसीको छ ।

राजनितिक विश्लेषक डा सुरेन्द्र केसी सँग ओटीभी नेपाल डट कमले गरेको भिडियो कुराकानी हेर्नुहोस्