प्रचण्ड र माधव नेपाललाई ओलीले रौँ बराबर भाउ नदिए पछि यसरी भए खिस्रीक्क

प्रमुख प्रतिपक्षी दल नेकपा एमालेले निरन्तर संसद अवरोध गरिरहेको छ । सभामुख अग्नी सपाकोटा देखी प्रधानमन्त्री शेरबहादुर देउवा सम्मले संसद खुलाउनका लागी गरेका पहलहरु निरर्थक बनेका छन् ।

सभामुख अग्नी सपाकोटाले आयोजना गरेको सर्वदलीय बैठक देखी प्रधानमन्त्री देउवाले आयोजना गरको सर्वदलीय बैठक सम्म एमालेले बहिस्कार गरे पछि सर्वदलीय बैठक अन्तीममा सरकार दलीय बैठकमा परीणत भएको छ ।

एमालेका लागी आयोजना गरिएको बैठकमा एमालेनै नगए पछि बैठक चिया खाएर हिड्ने भन्दा माथीको औचित्यपूर्ण हुन सकेन । यहि विचमा एमालेले प्रधानमन्त्री शेरबहादुर देउवा सँग एमाले अध्यक्ष केपी ओलीले सिंगल भए भेट्ने बताएको छ ।

प्रचण्ड र माधव नेपाललाई सँगै राखेर भेट्न सम्म पनि ओलीले इन्कार गरेका छन् । नेकपा एसलाई त एमालेले पार्टीकै मान्यता दिएको छैन भने यो विवादमा प्रचण्ड लगायतका अरु दललाई चासोनै नभएको भन्दै एमालेले पुरै इन्कार गरिदिएको छ ।

पछिल्लो गतिरोध अन्त्य गराउन आयोजना गरिएको सर्वदलीय बैठकलाई एमालेले बहिष्कार गरेको आज दोस्रो पटक हो। गत भदौ २८ गते सभामुख अग्निप्रसाद सापकोटाले आयोजना गरेको सर्वदलीय बैठक पनि एमालेले बहिष्कार गरेको थियो। संसद्कै सबैभन्दा ठूलो दल नै सहभागी नभएपछि यस्ता बैठकले आफ्नो औचित्य गुमाएका छन्।

एमाले सरकार र सभामुख दुवैसँग रुष्ट छ। सरकारले गत साउन ३२ गते मध्यरातमा संसद् अधिवेशन अन्त्य गरेर भोलिपल्ट बिहानै राजनीतिक दल सम्बन्धी अध्यादेश जारी गरेर एमाले विभाजनको आधार तयार गरेकोमा उसको असन्तुष्टि छ।

त्यस्तै, आफूले १४ जना सांसद्हरुलाई निष्कासन गरेर संसद् सचिवालयमा पत्र दर्ता गरिसक्दा पनि सभामुखले कैयौं दिनसम्म सूचना टाँस नगरिदिएका कारण दल विभाजन सम्भव भयो भन्दै सभामुखप्रति आक्रोश व्यक्त गरिरहेको छ। उसले निष्पक्ष भूमिकामा रहनुपर्ने सभामुख एमाले विभाजन गर्ने षडयन्त्रको मतियार भएको आरोप लगाइरहेको छ। यी दुवै संस्थाप्रतिको आक्रोशले गर्दा उनीहरुले नै आयोजना गरेको बैठकमा सहभागी हुन एमालेलाई अप्ठ्यारो परिरहेको छ।

अर्कोतिर, आफूले निष्कासन गरेका १४ जना सांसद्हरु समेतको दल नेकपा एकीकृत समाजवादी समेत सहभागी हुने बैठकमा सहभागिताका लागि एमालेलाई नैतिक संकट छ। सो दलको वैधानिकतामै प्रश्न उठाउँदै दल दर्ताविरुद्ध समेत सर्वोच्चमा मुद्दा दायर गरेर एमालेले न्याय खोजिरहेको छ। अर्कोतिर, उसले ती १४ जनालाई ‘गैरसांसद्’ करार गर्दै प्रतिनिधि सभामा निरन्तर गैरसांसद्लाई प्रवेश निषेध गर भनेर नारा लगाइरहेको छ। एमाले अध्यक्ष ओलीले त सार्वजनिक रुपमै सभामुखले ती सांसद्को लोगो खोस्नुपर्ने बताएका छन्।

‘माधव नेपालको पार्टीलाई निर्वाचन आयोगले मान्यता दियो। त्यसलाई एमालेले मानेको छैन। त्यो असंवैधानिक र गैरकानुनी छ भनेर मुद्दै हालेको छ। स्वयं केपी कमरेडको नामबाट पनि मुद्दा गएको छु, सर्वदलीय बैठकमा सहभागिताको सन्दर्भमा एमालेका एक प्रभावशाली नेताले बिहीबार बिहान भनेका थिए, ‘त्यसकारण एमालेले नमानेको पक्ष समेत उपस्थित हुने सर्वदलीय बैठकमा एमाले जाँदैन।’

एमाले सांसद् खगराज अधिकारी नेकपा एसबाहेकका दलहरुको छलफल आयोजना भयो भने त्यहाँ एमाले जाने बताउँछन्। ‘उहाँहरु हुनुभएन भने बैठकमा जाने आधार हुनसक्छु, बिहीबार संसद् भवनबाट बाहिरिने क्रममा उनले भने।