लहरो तान्दा पहरो गर्जियो, गोकुल वास्कोटाको ७० करोड प्रकरणमा प्रचण्ड पनि मुछिए!

नेकपा एमालेका नेता तथा पूर्व संचार मन्त्री गोकुल वास्कोटामाथी लाग्दै आएको ७० करोडको आरोपमा नेकपा माओवादी केन्द्रका अध्यक्ष पुष्पकमल दहाल प्रचण्डको पनि नाम मुछिएको छ ।

पूर्वमन्त्री बास्कोटाले ७० करोड प्रकरणमा प्रचण्डलाई पनि पोलेका छन् । यो प्ररकणको अदृश्य खेलाडीनै प्रचण्ड भएको बास्कोटाले खुलासा गरेका छन् । केहि दिन अघि मात्रै प्रचण्डले बास्कोटाको भाइरल थेगो हेप्ने प्रयोग गर्दै र्साजनिक मंच बाटै इन्सर्ट गरेका थिए । लगत्तै बास्कोटाले पनि प्रचण्डको पोल खोलिदिएका छन्।

प्रचण्डले काभ्रेमै पुगेर पनि बास्कोटा माथी ७० करोडको आरोप लगाएका थिए , बास्कोटाले पनि काभ्रेभै पुगेर प्रचण्डलाई जवाफी फायर खालेका छन् । यो अदृश्य पात्र नै प्रचण्ड भएको बास्कोटाको खुलासाले राजनिती तरंगित भएको छ ।

उनले अध्यक्ष दाहाल र आफ्नो बारेमा लागेको आरोपबारे छानविन गर्न पनि माग गरेका छन । यस्तै पूर्व मन्त्री समेत रहेका बास्कोटाले नेकपा माओवादीका अध्यक्ष पुष्पकमल दाहाल ‘प्रचण्ड’लाई काभ्रेमा आफूसँग निर्वाचनमा प्रतिस्पर्धा गरी विजयी हुन चुनौती दिएका छन ।

पूर्व मन्त्री बास्कोटाले प्रचण्डलाई आफुमाथि र प्रचण्डमाथि लागेका आरोपहरुबारे निष्पक्ष छानबिन गर्न तयार रहन चुनौती दिए । ‘२०६४ साल गई सके अध्यक्ष प्रचण्ड, सक्नुहुन्छ भने सङ्घीय निर्वाचनमा क्षेत्र नम्बर २ मा म सँग प्रतिस्पर्धा गर्नुस्’–पूर्व मन्त्री बास्कोटाले भने–‘आरोप लगाउँदैमा हुँदैन तपाई र म दुवैको निष्पक्ष छानबिन गर्न तयार हुनुस् ।’

बाँस्कोटाले माओवादी पार्टीले राजनीतिरुपमा काग्रेंसको पुच्छर समातेर समावजाद ल्याउँछु भन्दै आत्महत्या गरिसकेको बताए । ‘भौतिक रूपमा हिटलरले आत्महत्या गरे जस्तो अध्यक्ष प्रचण्ड तपाई नगर्नुस तर तपाईँको पार्टीले आत्महत्या गरिसकेको छ’–पूर्व मन्त्री बास्कोटाले भने– ‘काँग्रेसको पुच्छर समातेर बैतर्नी तर्न खोज्दैमा समाजवाद आउन सक्दैन ।’बाँस्कोटाको भनाई थियो ।

‘श्रीमान् प्रचण्ड काभ्रेमा चुनाव लड्न आउनुस्, तथ्यमा बहस गर्नुस्, बैक लुट्नेहरू, विद्यालय, स्वास्थ्य चौकी, पुल पड्काउनेहरूले लगाएको आरोपका सन्दर्भमा फेस टु फेस बहस गर्न तयार छु’–पूर्व मन्त्री बास्कोटाले भन्नुभयो–‘तथ्य र आधार हिन आरोप लगाउँदै नहिँड्नुस् ।’ केही दिन एकीकृत माओवादीले आयोजना गरेको एक कार्यक्रममा प्रचण्डले गोकुल बास्कोटाको नाम नलिई बास्कोटाका बारेमा आलोचना गरेका थिए ।