एमालेको विधान महाधिवेशन लगत्तै झन आत्तिए प्रचण्ड, आज त यति सम्म भने

नेकपा एमालेले विधान महाधिवेशन भव्यताका साथ सम्पन्न गरे पछि माओवादी केन्द्रका अध्यक्ष पुष्पकमल दहाल प्रचण्ड झन वढि आत्तिएका छन् ।

एमालेको विधान महाधिवेशन गर्नुको उदेश्यनै माओवादीलाई समाप्त पार्नका लागी गरिएको भन्दै प्रचण्डले अब एमाले झन जागेर आउँने आँकलन गरका छन् । एमाल अध्यक्ष ओलीको लोकिप्रियता देखेर पनि उनलाई औधी भएको छ ।

आज त प्रचण्डले एमालेमा ओलीलाई मदन भण्डारी जस्तो बनाउँन खाजेको समेत बताएका छन् । ओलीको लोकप्रियता सँग झस्किएर ओलीलाई मदन भण्डारी बनाउँन खोजिएको भन्नुले एमाले झन बलियो बन्ने विश्लेषण प्रचण्डले गरेको वुझ्न सकिन्छ ।

अध्यक्ष पुष्पकमल ‘प्रचण्ड’ले कतिपयले आफूलाई रुँदै हिँडेको र सक्किएको प्रचारवाजी गरे पनि आफू कुनै आवेगमा नभएको बताएका छन् ।सोमबार पार्टीनिकट नेपाल बुद्धिजिवी संगठनको राष्ट्रिय भेलालाई सम्बोधन गर्दै उनले आफू नआत्तिएको पनि बताए । ‘बाहिर अहिले एकथरी लौ प्रचण्ड सकियो, रुँदै हिँड्यो भनेका छन्, त्यो गलत हो,’ उनले भने, ‘म आवेगमा पनि छैन । म आत्तिएको पनि होइन ।’

आफूले माओवादी विघटन गरे पनि हुन्छ भन्ने कुरा पार्टी थप बलियो बनाउने अर्थमा भनेको पनि प्रचण्डको भनाइ छ। ‘नत्र माओवादी विघटन गरे हुन्छ भन्छु नि कहिलेकाँही, त्यो सशक्त पार्टी गठन गर्नुपर्छ भनेको हो,’ उनको भनाइ छ, ‘मैले कहिलेकाँही एक्लै भइन्छ कि क्या हो भन्छु नि । म एक्लै भएँ भनेको होइन । गुट बन्नु हुँदैन भनेको हो । गुट बने त पार्टी सकिहाल्छ नि ।’

आउने चुनावमा माओवादी एक नम्बर पार्टीमा स्थापित हुने दावी गर्दै प्रचण्डले केही ठूला नेता माओवादीमा फर्किनँ लागेको दावी गरे । र, केही पार्टीसँग एकीकरणको पनि कुरा चलेको बताए । ‘माओवादीमा ठूला(ठूला मान्छे फर्किँदै छन् तर म अहिले नाम भन्दिनँ,’ प्रचण्डले भने, ‘अहिले एउटा पार्टीसँग एकताको कुरा चलिरहेको छ । म त्यसका लागि अहिले वार्ता गर्न जाँदैछु ।’

उनले अहिले एमालेमा विचार नभएको समेत दावी गरे । मदन भण्डारीको ठाउँमा ओलीलाई स्थापित गर्न लागेको आरोप उनको छ । ‘एमालेमा अहिले विचार छैन्, सूर्य चिन्ह छ, जबज छ,’ प्रचण्डले भने, ‘मदन भण्डारी छन् । अहिले मदनभण्डारीको ठाउँमा ओलीलाई बनाउन खोजेका छन् ।’

अबको मुख्य प्रतिस्पर्धा ओलीसँगै हुन बताउँदै उनले ओलीलाई माक्र्सवाद विरोधी करार गर्ने व्यवस्थित योजना ल्याउन पनि पार्टीनिकट बुद्धिजिवीहरुलाई आग्रह गरे। ‘ओलीको विचार के कति कारणले मार्क्सवादविरोधी छ भन्ने कुरा हामीले प्रष्ट पारेर तलसम्म जानुपर्ने छ,’ उनको आग्रह छ, ‘माओवादीले लिएको विचार सही छ भन्ने कुरा तथ्य तथ्यांकसहित, विचार, अन्तरक्रियासहित स्थापित गर्नुपर्‍यो ।’

एमालेभित्र विचारशील भनेर चिनिएका ‘१० भाइ’ अहिले एमाले ब्रान्ड र सूर्य चिन्हमा गएर आत्मसर्मपण गरेको पनि प्रचडले आरोप लगाए ।