तीन बुँदे सहमति कार्यान्वयन नगरे राम्रो नहुने विप्लवको चेतावनी !

नेपाल कम्युनिष्ट पार्टी नेकपाका महासचिव नेक्रविक्रम चन्द ‘विप्लव’ले सरकारले तीन बुदेँ सहमति कार्यान्वयन नगरे जटिल अवस्था सृजना हुने चेतावनी दिएका छन् । सोमबार पार्टी प्रवक्ता खड्गबहादुर विश्वकर्मा ‘प्रकाण्ड’मार्फत प्रधानमन्त्री शेरबहादुर देउवालाई ज्ञापन पत्र बुझाउदैँ प्रकाण्डले प्रधानमन्त्रीको सरकारी निवास बालुवाटारमा पुगेर प्रधानमन्त्री देउवालाई विप्लवले पठाएको ज्ञापन पत्र पढेर पनि सुनाएका थिए ।

पार्टी प्रवक्ता प्रकाण्डमार्फत प्रधानमन्त्री देउवालाई बुझाइएको ज्ञापनपत्रमा तीन बुदेँ सहमति कार्यान्वयन गर्ने सन्दर्भमा सरकारलाई पटक पटक ध्यानाकर्षण गराए पनि नतिजा नआएपछि ज्ञापनपत्र बुझाउनुपरेको भन्दै आपत्ती जनाएको छ । केपी ओली नेतृत्वको सरकार रहुन्जेलसम्म विभिन्न बहाना बनाएर माग पूरा नगरिएको र देउवा सरकार गठन भएको तीन महिना पुग्न लाग्दा पनिमाग पुरा गर्नेतर्फ ध्यान नदिएको भन्दै पार्टी महासचिव विप्लवले तीन बुदेँ कार्यान्वयन नगरे जटिल अवस्था सृना हुने विज्ञप्तीमार्फत चेतावनी दिएका छन् ।

तत्कालिन केपी शर्मा ओली नेतृत्वको सरकारसँग गत फागुन २१ गते तीन बुदेँ सहमति भएको थियो । तर सहमतिको ६ महिना बितिसक्दा समेत सहमति कार्यान्वयनमा कुनै प्रगति हुन नसकेको महासचिव विप्लवको भनाई छ ।

आपूहरुको माग पूरा नहुनु राष्ट्रिय राजनीति, नेपालको राजनीतिक आन्दोलन र नेपाली जनताको लागि धोका भएको महासचिव विप्लवले प्रधानमन्त्री देउवालाई बुझाएको ज्ञापनत्रपमा भनिएको छ । वार्ता र तीन बुदेँ सहमतिले राष्ट्रिय र अन्तर्राष्ट्रिय जगतमा पारेको सकारात्मक प्रभाव र जन अपेक्षा माथि तुसारापात भएको पनि विप्लवको ठहर छ । विप्लवले सहमति कार्यान्वयन नभए समस्याको समाधान नभइ झन जटिल स्थिति सृजना हुने चेतावनी दिदै यस्तो व्यवहारले नेपाली जनतालाई निराश बनाउने बताएका छन् ।

सरकार गठन भएको पहिलो हप्ताभित्रै तीन बुदेँ सहमति कार्यन्वयनको विषयलाई लिएर देउवासँग पार्टीले छलफल गरेको स्मरण गराउदैँ विप्लवले त्यसपछि पनि सरकारसँग पटक–पटक भेटवार्ता जारी राख्दासमेत आफुहरुका माग भने पुरा हुन नसकेको विज्ञप्तीमा उल्लेख गरिएको छ ।