केहि दिन अघि मन्त्री मात्रै नबन्ने भनेका उपेन्द्र यादवले नयाँ कार्ड फाले पछि देउवा प्रचण्ड हैरान !

केहि दिन अघि मात्रै मन्त्री बनेर अहिलेको सरकारमा नजाने घोषणा गरेका जनता समाजवादी पार्टीका अध्यक्ष उपेन्द्र यादवले अर्को मोलमालाई सुरु गरका छन् ।

आफु पटक पटक मन्त्री र उपप्रधानमन्त्री समेत भएको ले यस पटक अरु साथीलाई अवसर दिन्छु भनेर बोलेका यादवले नयाँ बखेडा झिकेर लफडा गर्न थाले पछि उनी सँग प्रधानमन्त्री देउवा मात्रै होइन प्रचण्ड र माधव नेपाल सम्म पनि हैरान भएको छन् ।

सत्तापक्षीय गठबन्धनमा मन्त्रालयको भागबण्डा टु्ँगो लागेपनि कुन मन्त्रालय कुन पार्टीले लिने भन्नेबारे अन्तिम सहमति भएको छैन् । उपेन्द्र यादव नेतृत्वको जनता समाजवादी पार्टी, नेपाल भने भौतिक पूर्वाधार तथा यातायात मन्त्रालय नपाए सरकारमा नै नजाने भएको छ ।

आज विहान भएको गठबन्धनका शीर्ष नेताहरुको सहमतिअनुसार कांग्रेसले ६ वटा मन्त्रालय पाएको छ । उता, नेकपा (माओवादी केन्द्र), नेकपा ९एकीकृत समाजवादी० र जसपा, नेपालले ५र५ वटा मन्त्रालय र एकरएक जना राज्यमन्त्री पाउने सहमति भएको छ ।

अहिले कांग्रेसबाट बालकृष्ण खाँण गृहमन्त्री, ज्ञानेन्द्रबहादुर कार्की कानूनमन्त्री, डा। नारायण खड्का परराष्ट्रमन्त्री र उमेश श्रेष्ठ स्वास्थ्य राज्यमन्त्री छन् । उता, माओवादी केन्द्रबाट जनार्दन शर्मा अर्थमन्त्री र पम्फा भुषाल उर्जामन्त्री बनिसकेकी छिन् । नयाँ सहमतिअनुसार माओवादीले अब कृषि, खानेपानी र भूमि व्यवस्था तथा सहकारी मन्त्रालय पाउने भनिएको छ ।

माधव नेपालको नेकपा (एकीकृत समाजवादी) ले पर्यटन, उद्योग वाणिज्य तथा आपूर्ति र युवा तथा खेलकुद र रक्षा मन्त्रालय पाउने भनिएको छ । त्यस्तै, जसपाले भौतिक पूर्वाधार, संघीय मामिला तथा सामान्य प्रशासन, श्रम तथा रोजगार, वन तथा वातावरण र शिक्षा मन्त्रालय पाउने भनिएको छ ।

उता, जसपाका नेता तथा सांसद प्रदीप यादवले आफ्नो पार्टीले भौतिक पूर्वाधार मन्त्रालय नपाए पार्टी सरकारमा नै नजाने स्पष्ट पारेका छन्। भौतिक पूर्वाधार मन्त्री पाएमा उपेन्द्र यादव आफैँले नेतृत्व गरेर जानेगरी तयारी गरेको पनि स्रोतको दावी छ ।