नेकपा एसमा भाँडभैलो ,अवसरवादीले ‘तर’ मार्ने अवस्था आए पछि पुराना नेता विच्कीए

पदकै लागी पार्टी फुटाएको आरोप लागेको नेकपा एसमा मन्त्रीको भागबण्डा मिलाउँन नसक्दा भाँडभैलो मच्चीएको छ ।

नेकपा एसले पाउँने जम्मा मन्त्रालय ४ वटा हो तर मन्त्री नबनाइ नहुने अवस्था ७ जना भन्दा वढि देखिए पछि माधव कुमार नेपाल अप्ठेरोमा परेका छन् । पहिले देखीनै माधव नेपाललाई साथ दिँदै आएका नेताहरु यस पटक पनि छुट्ने अवस्था आएको छ ।

माधव नेपाललाइै लामो समय देखी साथ दिँदै आएका सिनियर नेताहरु मुकुन्द न्यौपाने , वेदुरमा भुषाल जस्ता नेताहरु यस पटक मन्त्री बन्न नपाउँने भएका छन् । पछि अवसरवादी बनेर आएका प्रेम आले ,किसान श्रेष्ठ जस्ता नेताले तर मार्ने अवस्था आए पछि पुराना नेताकार्यकर्ता विच्कीएका छन् ।

प्रधानमन्त्री शेरबहादुर देउवाले आज भोलिभित्रै सरकारलाई पूर्णता दिने भएका छन् । मन्त्रालयको भागबण्डा टुँगो लागेसँगै प्रधानमन्त्री देउवाले सरकारमा सहभागी हुने दलका नेताहरुसँग मन्त्रीको नाम मागेका छन् । अहिले कांग्रेस, माओवादी केन्द्र, नेकपा ९एकीकृत समाजवादी० र जनता समाजवादी पार्टी, नेपाल आन्तरिक छलफलमा जुटेका छन् ।

नेपाल नेतृत्वको नेकपा (एकीकृत समाजवादी) पार्टीले चार वटा मन्त्रालय र एक राज्यमन्त्री पाएको छ । अध्यक्ष नेपालले विरोध खतिवडाको नेतृत्वमा पार्टीलाई सरकारमा सहभागी गराउन लागेका हुन् ।

खतिवडा सहरी विकास मन्त्री बन्ने भएका हुन् । त्यस्तै, रामकुमारी झाँक्रीलाई रक्षा र मेटमणि चौधरीलाई संस्कृति, पर्यटन तथा नागरिक उड्ययनमन्त्री बनाउने तयारी भएको छ । त्यस्तै, जीवनराम श्रेष्ठलाई युवा तथा खेकलुद र राज्यमन्त्री किसान श्रेष्ठलाई पठाउने करिब-करिब निश्चित् भएको एक नेताले जनाए ।

उता, सांसद मेटमणि चौधरीले आफूलाई पर्यटन मन्त्रालयको नेतृत्व दिने पार्टीभित्र सहमति भएको प्रतिक्रिया दिएका छन् । यसअघि पर्यटन मन्त्रालयमा प्रेम आलेको नाम चर्चामा थियो । आलेलाई पर्यटनमन्त्री बनाउनको लागि अध्यक्ष नेपाल पनि सकारात्मक भएको समाचार थिए ।