प्रधानन्यायाधीश चोलेन्द्रका जेठान गजेन्द्र मन्त्रि बन्ने , आजै सपथ !

प्रधानमन्त्री शेरबहादुर देउवाले जननिर्वाचित प्रतिनिधिलाई मन्त्री बनाउने संविधानको मूल मर्म विपरित देउवाले गैरसांसदलाई शपथ खुवाउने तयारी गरेका छन् । यसका लागि प्रधानन्यायाधीश चोलेन्द्रशमशेर जबराका जेठान गजेन्द्र हमाल नेपालगन्जबाट काठमाडौं आइसकेका छन् ।

लामो प्रतिक्षा र विवादपछि दलहरुले मंगलबार मन्त्रालय बाँडफाँड गरेका हुन् । मन्त्रिपरिषद्मा २५ सम्म सदस्य हुन सक्ने संवैधानिक व्यवस्था भएपनि सरकारसँग २१ मन्त्रालय छन् । त्यसैले एक प्रधानमन्त्री र तीन राज्यमन्त्रीबाहेक मन्त्रिपरिषद्मा २१ मन्त्री हुन् सक्छन् ।

यसमध्ये कांग्रेस ७, माओवादीले ५, एकीकृत समाजवादी र जसपाले ४र४ पाउने गरी २० मन्त्रालय भागबन्डा गरिएको छ । एउटा मन्त्रालय किन बाँकी राखिएको हो रु

गठबन्धनका एक नेताले भने, ‘अहिलेसम्मको तयारीअनुसार शुक्रबार शपथग्रहण हुनेछ, अवस्था परिवर्तन नभएका त्यहाँ तपाईंले गजेन्द्र हमाललाई पनि देख्नुहुनेछ ।’ हमाललाई उद्योग, वाणिज्य तथा आपूर्ति मन्त्रालय दिने तयारी छ ।

हमाल वा कुनै अज्ञात प्रतिनिधिले मन्त्री बनाउने विषयमा प्रधानमन्त्री शेउवाजस्तै माओवादी केन्द्रका अध्यक्ष पुष्पकमल दाहाल, एसका अध्यक्ष माधव कुमार नेपाल र जसपा अध्यक्षद्वय बाबुराम भट्टराई र उपेन्द्र यादवको सम्मति छ ।

‘नेताहरु प्रधानन्यायाधीशप्रति कृतज्ञ देखिनुहुन्छ, अझ नेकपा ९एस० दर्ता सम्बन्धी विवादलगायत सरकारलाई अप्ठ्यारो पार्न सक्ने अन्य मुद्दा पनि सर्वोच्च अदालत जान सक्ने भएकाले प्रधानन्यायाधीशलाई चिढ्याउन हुँदैन भन्नेमा उहाँहरु संवेदनशील हुनुहुन्छ’, कांग्रेसकै असन्तुष्ट एक नेताले भने ।