धेरै उम्लीँदा यसरी पोखिए मेटमणी चौधरी, एमाले कार्यकर्ताले भने ‘खुच्चिङ’

सर्वोच्च अदालतको परमादेश बाट बनेको शेरबहादुर देउवा सरकारले ३ महिना पछि बल्ल आज मन्त्रीपरिषदलाई पुर्णता दिएको छ ।

३ महिने दौड पछि केहिले आज बाट झण्डा हल्लाउँन पाएका छन् । दशैँको मुखमा मन्त्री बन्न पाएकाहरु त मख्ख हुनेनै भए तर आज बिहान सम्म पनि मन्त्री फाइनल भनेर दौरा सुरुवाल चिटिक्क पारेर बसेकाहरुलाई कस्तो लागीरहको होला ? सबैमा चासो रहेको छ ।

मन्त्री बन्ने फाइनलनै भयो भनेर दंग परेर बसेका मध्ये एक थिए नेकपा एसका सांसद मेटमणी चौधरी । एस पार्टीबाट मन्त्री बन्नेको लिष्टमा उनको नाम सँधै भरी आयो तर बन्ने बेला आएन । एमाले फुटाउँन सबैभन्दा उग्र रुपमा लागेका उनी अन्तिममा हिस्स बन्नु परेको छ ।

मेटमणी चौधरी आाफुले आफैँलाई पनि सार्वजनिक मंच बाट मन्त्री घोषणा गर्दै हिडेका थिए तर अन्तिममा भने नमज्जा सँग जिल खाएका छन् । मलाई भूमि सुधार मन्त्री दिए हुन्थ्यो नभए पनि पर्यटन भए पनि चलाउँन सक्छु भनेर बोल्दै हिँडेका उनी नमज्जा सँग चिप्लीएका छन् ।

नेकपा एकीकृत समाजवादी पार्टीका केन्द्रीय सदस्य हुन् मेटमणि चौधरी।असोज २१ गते बिहानसम्म मन्त्री बन्ने चर्चामा रहेका चौधरी अन्ततः देउवा सरकारमा मन्त्री बन्न सकेनन्।

उनी सुरुदेखि नै ओलीसँग मिल्न सकिँदैन, एमाले विभाजन गर्नैपर्छ भन्ने पक्षमा खरो रुपमा उभिएका थिए। भदौ ९ गते एमाले विभाजन भएर नेकपा एकीकृत समाजवादी पार्टीको मान्यता घोषणा गर्ने दिन चौधरीले गठबन्धन आगामी चुनावसम्म जाने घोषणा गरेका थिए।

एकीकृत समाजवादी सरकारमा जाने खुलासा पनि त्यो दिन उनैले गरेका थिए।त्यसपछि उनी सधैँ मिडियाको चर्चामा रहे। मन्त्री बन्नेहरुको सम्भावित सूचीमा उनी छुटेका थिएनन्।

तर, एकीकृत समाजवादीको बिहीबार बसेको सचिवालय बैठकले चौधरीलाई मन्त्रीको सूचीमा पारेन। अन्ततः ८७ दिनसम्म चर्चामा रहेर पनि उनी मन्त्री बन्न सकेनन्।

उनी दाङ क्षेत्र नम्बर १ बाट प्रतिनिधि सभाका सांसद हुन्। मन्त्री बन्न नपाएपछि चौधरीले यसलाई सामान्य रुपमा लिएको बताए।पार्टी सरकारमा जाने कुरा सामान्य हो, अहिलेको मुख्य कार्यभार भनेको गठबन्धन जोगाउनु हो,’ चौधरीले भने, ‘मन्त्री बन्नुपर्छ भनेर पार्टी भने बन्दैनथ्यो। अहिले पार्टी बनाउने भूमिका छ।’

एमाले अध्यक्ष केपी ओली विरुद्ध हात धोएर सबैभन्दा उग्र रुपमा लागेका चौधरी मन्त्री नबने पछि एमाले कार्यकर्ताहरुले भने सामाजिक संजाल मार्फत खुशि मनाइरहेका छन् । धेरै उम्लिए पछि पोखिन्छ भन्दै एमाले कार्यकर्ताहरुले उनलाई खुच्चिङ भनिरहेका छन् ।