अदालतको आदेशको धज्जी उडायो देउवा सरकारले, दशैको मुखमा स्वागत नेपाललाई फेरी पक्राउ गर्दै !

सर्वोच्च अदालतको परमादेशबाट बनेको शेरबहादुर देउवा सरकारले सर्वोच्च अदालतले नै दिएको आदेशको धज्जी उडाएको छ ।

एमसीसीको विरुद्ध बोल्नेलाई कारबाही गर्ने भनेर अदालतको परमादेश बाट बनेको देउवा सरकारले जारी गरको विज्ञप्तीको बिषयमा परेको रिटमा सर्वोच्च अदालतले विरोध गरेकै कारण कसैलाई कारबाही नगुर्न भन्ने आदेश दिएको थियो तर एमसीसीको विरोध गरेकै कारण प्रहरीले उन्नत लोकतन्त्र पार्टीका अध्यक्ष स्वागत नेपाललाई फेरी पक्राउ गर्ने तयारी गरको छ ।

एमसीसी विरुद्धको २३ दलीय शुक्रबारको प्रदर्शन पश्चात नयाँ बानेश्वरमा आयोजित विरोध सभामा गरेको भाषणकै कारण उन्नत लोकतन्त्र पार्टीका अध्यक्ष तथा अधिवक्ता स्वागत नेपाललाई प्रहरीले पक्राउ गर्न खोजी शुरु गरेको छ । त्यसैगरी उनको भाषण सुनेर फर्कँदै गरेका केहीलाई प्रहरीले पक्राउ गरेको छ ।

शुक्रबार २३ दलीय मोर्चाको आयोजनामा माइतीघरबाट शुरु भएको एमसीसी विरुद्धको प्रदर्शन नयाँ वानेश्वर पुगी सभामा परिणत भएको थियो । उक्त सभामा नेकपा माओवादीका नेता गुणराज लोहनी, नेपालका लागि नेपालीका डा। सुरेन्द्र भण्डारी र स्वागत नेपाल नेपाल लगायतले बोलेका थिए ।

लोहनी र डा भण्डारी पश्चात बोलेका स्वागत नेपालले निक्कै आक्रामक शैलीमा नेपाल प्रहरी, सशसस्त्र र नेपाली सेनालाई समेत एमसीसीको पक्षमा रहेका नेताहरुलाई स्यालुट हान्ने होइन गोली हान्नुस् छातीमा अनि मात्र नेपाल आमा प्रतिको कर्तव्य पूरा भएको मानिने छ भनेका थिए ।

साथै उनले त्यहाँ उपस्थित रहेको डिएसी एम बि लामा, इन्स्पेक्टर के के न्यौपाने, इन्स्पेक्टर ए जे थापा समेतलाई नामको पछाडि ज्यु नै लगाएर तपाईहरुको घरमा एमसीसीका कर्मचारीले तपाईको आमा दिदी बैनी र हामी जोसुकैको पनि चेलीबेटी बलात्कार गर्यो भने पनि मुद्दा लाग्न नसक्ने नेपाल प्रहरीले अनुसन्धान गर्न पनि नपाउने व्यवस्था एमसीसी मार्फत ल्याउन खोजिँदैछ भनेर बोल्दा स्थिति अत्यन्त उत्तेजक बनेर ठुलो हुटिंग भएको थियो ।

उनको भाषण सकिने बित्तिकै डिएसपी लामा समेत इन्स्पेक्टर समेतको टोलीले नेपाललाई पर्तिर बोलाएर स्थलगत रुपमै हाम्रो नाम लिएर किन बोल्नु भएको भन्दै केरकार गरेका थिए । उक्त भिडिओ पनि समाजिक सञ्जाल युट्युव समेतमा चर्चित बनिसकेको छ ।

नेपालले केरकार गर्नासाथ एमसीसी लागू हुँदा कस्तो अवस्था हुन्छ भन्ने बताउन र स्पष्ट गर्न मात्र बोलेको भन्दै व्यक्तिगत रुपमा होइन, नराम्रो लागेकोमा आफ्नो आशय त्यस्तो नभएको बताएका थिए ।

साथै स्वागत नेपालले आफ्नो हकमा समेत र आफ्ना चेलीबेटी आमा दिदी बैनीको हकमा समेत लागू हुने गरी बोलेको र व्यक्तिगत रुपमा तपाईहरुलाई भनेको होइन, नराम्रो लागेको भएमा महसुस गरेर सच्याउने बताएपछि ठीकै छ त्यसो भए भनेर प्रहरीले छोडिदिएपछि उनी तुरुन्तै दशै मनाउन पारिवारिक कामका लागि पोखरा जाने कार्यक्रम रहेको भनेर पोखरातर्फ निस्किएका थिए ।

तर प्रहरीले फेरि उनको भाषण सुनेर फर्कँदै गरेका भोला प्रसाई लगायतलाई पक्राउ गरेको थियो ।हाल भानु प्रसाई लगायत पक्राउ पर्ने अरु तीन जनाको नाम खुलिसकेको छैन ।

अहिले प्रहरीले स्वागत नेपाल अध्यक्ष रहेको उन्नत लोकतन्त्र पार्टी एडिपि को अनामनगर घट्टेकुलोस्थित केन्द्रीय कार्यालय घेरा हालिरहेको पार्टी महासचिव अधिवक्ता कृष्ण प्रसाईले बताए ।

नेपाल भने कार्यक्रम सकिए लगत्तै परिवार सहित पोखरातर्फ दशै मनाउन हतरामा कार्यक्रम सकेर हिँडेको बताइएको छ ।