प्रभु शाहलाई ओलीबाट थुत्ने प्रचण्डको मिसन यसरी भयो चक्नाचुर !

नेता प्रभु शाहलाई नेकपा एमाले बाट थुतुरे पुन माओवादी केन्द्रमै लैजाने माओवादी केन्द्रका अध्यक्ष पुष्पकमल दहाल प्रचण्डको मिसनले गम्भिर धक्का खाएको छ ।

पछिल्लो समय नेकपा एमालेका केहि बिषयमा असहमती जनाउँदै विधान महाधिवेशनमा समेत नगइ बसेका नेता प्रभु शाहलाई माओवादीमा फर्काउँनका लगी प्रचण्डले निकै जोडबल गरेका थिए तर हिजो बाट उक्त मिसन पूर्ण रुपमा असफल भएको छ ।

प्रचण्डले सार्वजनिक रुपमा रामबहादुर थापा बादल , टोपबहादुर रायमाझी र लेखराज भट्टलाई भन्नु सम्म भनेका थिए प्रभु शाहका विषयमा एक वचन पनि नराम्रो बोलेका थिएनन् । प्रदेश नम्बर २ मा राम्रो पकड भएका शाहलाई माओवादीमै फर्काउँनको लागी प्रचण्डले टोलीनै परिचालन गरेका थिए ।

एमाले सत्ता बाट हटेको र एमाले सँग प्रभु शाहको सैद्धान्तिक र वैचारिक मतभेदनै रहको देखाएर उनलाई एमाले छोडेको घोषणा गर्ने र केहि समय आफ्नो छुट्टै गतिविधी गरेको देखाएर निर्वाचनको बेलामा माओवादी केन्द्र प्रवेश गराउँने गरी भित्री डिजाइन बनिसकेको सुचना विशेष स्रोतले ओटीभी नेपाललाई दिएको छ ।

ओटीभी नेपाल डक कमले प्राप्त गरको सुचना अनुसार खाली रहेको प्रभु शाहको निर्वाचन क्षेत्रमा उपनिर्वाचन हुँदा माओवादी केन्द्रले उनलाइनै उमेदवार बनाउँने र गठबन्धनको समेत समर्थनमा चुनाव जिताएर ल्याएर रोजेको मन्त्रालय दिने प्रस्तावको खाका प्रचण्डले पठाएका थिए ।

प्रचण्डको चाल बुझे पछि शाह सँग एमाले अध्यक्ष केपी ओलीले सार्थक सम्बाद गरेका छन् । ओली निवास बालेकोटमा घण्टौँ सम्म भएको छलछल पछि शाह एमालेमै बस्ने फाइनल गर्दै निकै खुशि भएर फर्किएका छन् ।

ओली निवास बालकोटमा हिजो दिउसो १२ बजे देखि सुरु भएको छलफल करिब तीनबजे मात्र सकिएको साहले बताए । आफूले उठाएका धेरैवटा माग विधान महाधिवेशनमा सम्बोधन भएको उनले बताएका छन् ।

। ‘कानुनी रुपमा एमाले हो तर राजनीतिक रुपमा नेकपा कै निरन्तरता हो भन्ने कुरा मेरो राजनीतिक प्रतिवेदन मै उल्लेख छ’ अध्यक्ष ओलीलाई उधृत गर्दै साहले भने ‘त्यसैले सबैलाई त्यसै अनुसारको जिम्मेवारी हुन्छ । पार्टी काममा सक्रियतापूर्वक फर्कनुहोस भनेर अध्यक्षले भन्नुभएको छ ।’

प्रभु शाह कटिबद्ध तरिकाले एमालेमै बस्ने खबरले उता खुमलटारमा भने तनाव सिर्जना भएको छ । ओलीलाई केही गरी पनि नसकिने भयो भन्ने निष्कर्षमा पुग्दै प्रचण्डले अर्को एउटा ठूलो मिसनले धक्का खाएको हिसाब गरको बताइन्छ ।