चोलेन्द्रका जेठानलाई मन्त्री बनाएको भोलिपल्टै प्रचण्डलाई कहाँ बाट यत्रो आँट !

प्रधानन्यायाधिश चोलेन्द्र शमशेर जबराका जेठान गजेन्द्र हमाललाई मन्त्री बनाएको भोलिपल्टै नेकपा माओवादी केन्द्रका अध्यक्ष पुष्पकमल दहाल प्रचण्डले आपत्तीजनक अभिव्यक्ति दिएका छन् ।

मन्त्रीपरिषदले पुर्णता पाएको भोलीपल्टै चितवन हुँदै नवलपरासी पुगेका प्रचण्डले दिनदहाडै हिन्दीमा भाषण गरेर एमाले अध्यक्ष केपी ओलीलाई राजनिती बाटै सिध्याइदिने चेतावनी दिएका छन् । धेरै निुहुँ खोजे केपी ओलीलाई सिध्याउने अभिव्यक्ति उनले दिएका छन् ।

न्यायपालिका र कार्यपालिका मिलेर सफ्ट कु गर्न खोजको आरोप लागीरहेको बेलामा प्रचण्डको आजको अभिव्यक्तिलाई निकै अर्थपुर्ण रुपमा हेरिएको छ । ओलीलाई राजनिती बाटै सिध्याउँछु भन्ने प्रचण्डको आँटको स्रोत के हो भनेर पनि खोजि सुरु भएको छ ।

नवलपरासी जानु अघि विहान चितवनमा पत्रकारहरु सँग कुराकानी गर्दै प्रचण्डले प्रधानन्यायाधिश चोलेन्द्र शमशेर जबराको कोटाबाट मन्त्री बनेको गजेन्द्र हमालको बचाउ समेत गरका थिए । हमाल काग्रेसको कोटा बाट मन्त्री बनेको भन्दै उनले यो बिषय धेरै उछाल्न नपर्ने बताएका थिए ।

शनिबार पश्चिमनवलपरासीको पाल्हीनन्दन गाउँपालिकाको नवनिर्मित भवन उद्घाटनका लागि आएका प्रचण्डले भने–‘म र मेरो पार्टीलाई धोका दिएकै कारण ओलीलाई बालुवाटारबाट बालकोट पुर्‍याएको हो अझै पनि चलखेल गरे राजनीतिबाटै बाहिर निकालिदिन सकिन्छ ।’

प्रचण्डले भने– ‘ओलीकै घमण्डका कारण गण्डकी र लुम्बिनीको सरकार गुम्यो । २र४ दिनमा बागमती र प्रदेश १ बाट पनि बाहिरिदैछ । अब पनि चलखेल गर्नखोजे राजनीतिबाटै बाहिर गर्दिन्छु, अति गरेपछि खति हुन्छ ।’

हिन्दीमा भाषण गरेका प्रचण्डले मधेसी जनताको अधिकारका लागि आफू संघर्षरत रहेको बताएका थिए प्रचण्डले भने –‘मधेसी जनता मेरा प्रेमिका हुन् कहिलेकाहीँ भिलेन आएर प्रेमलाई तोड्न खोज्छन् । तर म निरन्तर तपाईहरुकै अधिकारका लागि लडिरहेको छु ।’

मधेसको प्रमुख समस्या नागरिकता रहेको बताउँदै उनले त्यो समस्या केही हप्तामै समाधान हुने आश्वासन दिए । उनले तराई मधेसको अर्को समस्या सुकुम्बासी र भूमिहीन समस्या रहेकाले त्यसको समाधानका लागि जिल्ला तहमा आयोग गठन गरेर चुनावअघि पूर्जा वितरण गर्ने बताए ।

कार्यक्रममा लुम्बिनी प्रदेशका मुख्यमन्त्री कुलप्रसाद केसीले कृषि र रोजगारीलाई प्राथमिकता दिएर प्रदेश सरकारले बजेट ल्याएकाले कृषिलाई प्राथमिकता दिएर कार्यक्रम ल्याउन आग्रह गरेका थिए । छतमा हेलिकप्टर ल्याण्ड गर्न मिल्ने गरी निर्माण गरिएको गाउँपालिकाको भवनको लागत ९ करोड ३४ लाख रहेको कार्यक्रममा जानकारी दिइएको थियो ।