माधव नेपालले युज एण्ड थ्रो मात्रै गरेको मेटमणी चौधरीले जुन बेला थाहा पाए त्यस पछि जे भयो ..

तीन महिना सम्म मन्त्रीको रुपमा चर्चा भएर अन्तिममा धोका खाए पछि विखलबन्दमा परेका छन् नेकपा एसका नेता तथा सांसद मेटमणी चौधरी ।

माधव नेपालले आफुलाई युज एण्ड थ्रो मात्रै गरेको बुझाइमा उनी पुगेको बताइन्छ । उनको मनमा मन्त्री बन्ने अभिलाषा कति धेरै रहेछ भन्ने कुरा अहिले मन्त्री बन्न नपाउँने वित्तीकैको उनको रुवाबासीले पनि प्रष्ट सँग बताएको छ ।

मेटमणी चौधरीले अहिले आफु सँग पैसा नभएको र प्रभाव पार्न नसकेकै कारण मन्त्री बन्न नपएको कुरा पटक पटक सार्वजनिक रुपमा भनेका छन् । मन्त्री बन्न टन्न पैसा, काठमाडौँमा घर चाहिने रहेछ र मैले निष्ठाको राजनिती गरेँ त्यसैले मन्त्री बन्न पाइन उनले भनेका छन् ।

सांसद चौधरीले पटक पटक पैसा नभएकै कारण आफु मन्त्री बन्न नपाएको कुरा निकै जोड गरेर भनेका छन् । चौधरीको बोलीले पनि नेकपा एसका अध्यक्ष माधव कुमार नेपालको असली चरित्र उदांगो भएको छ । विधीका कुरा गरेर नथाक्ने नेपालको विधी पनि नांगिएको छ।

जति बेला तत्कालिन प्रधानमन्त्री केपी ओलीले गरेको संसद विघठन सहि हो भन्दै प्रेम ओलेहरु मन्त्रीको झण्डा हल्लाउँदै रुखले कार्वनडाइअक्साइड दिन्छ भन्दै भाषण दिँदै हिँडका थिए त्यसबेला मेटमणी चौधरीहरु ओलीले प्रतिगमन गरको भनेर सडक तताउँदै हिँडेका छन् ।

संसद विघठन सोह् आना सही छ चुनावको विकल्प छैन भनेर हिड्ने किसान श्रेष्ठ र प्रेम आलेहरुलाई मन्त्रीको झण्डा र माधव नेपाललाई दिलो ज्यानले साथ दिएर अग्र मोर्चामा रहेर विरोध गर्ने मेटमणीहरुलाई माधव नेपालले डण्डा चलाएका छन् ।

नेकपा एसले पाएको चार मन्त्रालय मध्ये दुइ जना त देखिने गरी अवसरवादीहरुले तर मारेका छन् । माधव नेपालको विधी र पद्धतीको मुकुण्डो पनि नराम्रो सँग उत्रिएको छ । त्यत्ति मात्रै होइन मन्त्री पद मोटो रकममा बेचको आरोप पनि उनी माथी लागेको छ ।

माधव नेपाललाई मोटो रकम बुझाउँन नसक्दा मन्त्री बन्न सकिन भन्ने भन्ने मेटमणी चौधरीको समाचार आए पछि नेकपा एसमा ठुलो खैलाबैला मच्चीएको छ । एसका कार्यकर्ताले खण्डन गर्दै यसको जवाफ दिन चौधरीलाई दबाव दिइरहका छन् ।

माधव नेपाललाई पैसाको बिटो बुझाउँन नसक्दा मन्त्री बन्न नपाएको भनेर बोलीरहेका चौधरीले यहाँ भन्दा अर्को जवाफ के दिनु पर्ने हो उनीहरुले बुझेका छैनन् । बरु आफुलाई दिलो ज्यानले साथ दिएको एक जना नेतालाई पैसा नभएकै कारण मन्त्री नबनाउँने माधव नेपाल सँग भने उनीहरुले जवाफ माग्ने हिम्मत गरेका छैनन् ।

माधव नेपालले मेटमणी चौधरीलाई थारुकै छोरो भएका कारण अवसर नदिएको आरोप पनी लाग्न थालको छ । थारु भएकै कारण माधव नेपालले युज एण्ड थ्रो गरको भन्दै मेटमणीलाई आफ्नै घर नेकपा एमालेमा फर्कन एमाले सांंसद शान्ता चौधरी लगायतले लगातार आग्रह गरिरहेका छन् ।