काग्रेसले तोड्यो सहमती ,वाग्मती प्रदेशको मुख्यमन्त्रीमा नयाँ पात्रको इन्ट्री !

सत्ता साझेदार प्रमुख दल विच बाग्मती र प्रदश नम्बर एकको मुख्यमन्त्री नेकपा एसलाई दिने भद्रसहमति तोडीने अवस्था आएको छ ।

मन्त्रीमण्डलमा भागवण्डा गर्ने दिन नै सत्तासाझेदार प्रमुख दल काग्रेस , माओवादी र नेकपा एस विच वाग्मती र प्रदेश एकको मुख्य मन्त्री नेकपा एसलाई दिने समझदारी बनको थियो तर लास्ट आवरमा खेल परिवर्र्तन भएको छ ।

केन्द्रको सहमतीलाई चुनौती दिँदै वाग्मती काग्रेसले नेकपा एसालाई मुख्यमन्त्री दिन नसकिने भन्दै आफैँ मुख्य मन्त्री बन्ने दौड सुरु गरको छ । एमाले फुटे पछि वाग्मतीमा नेकपा एस, काग्रेस र माओवादी भन्दा पनि सानो आकारको बनेको छ ।

प्रधानमन्त्री शेरबहादुर देउवाका घनिष्ट विश्वास पात्र नेपाली काग्रेस बाग्मती प्रदेशका संसदीय दलका नेता इन्द्र बाँनियाले कुनै पनि हालतमा मुख्यमन्त्री बन्ने गरि दौड सुरु गरेका छन् । महाधिवेशन सम्म भए पनि बाँनियालाई मुख्यमन्त्री बनाउने गरी देउवाले पनि चाँजोपाँजो मिलाउँन थालेको बताइन्छ ।

वाग्मतीमा नयाँ खेल सुुरु भए पछि मुख्यमन्त्री बन्नका लागी खुट्टा उचालेर बसेका नेकपा एसका नेता राजेन्द्र पाण्डे नमज्जा सँग झस्किएका छन् । वाग्मती प्रदेशकी मुख्यमन्त्री अष्टलक्ष्मी शाक्यले विश्वासको मततका लागी प्रदेशसभामा प्रस्ताव पेस गरि सेकेकी छिन् ।

नेकपा (एमाले) विभाजन भएपछि शाक्य नेतृत्वको प्रदेश सरकार अल्पमतमा परेको हो। उनले विश्वासको मत लिन एक साताअघि नै प्रदेश सभामा प्रस्ताव दर्ता गरिसकेकी छन्। शाक्यको विश्वासको मत सम्बन्धी प्रस्तावमाथि छलफल गर्न बिहीबार प्रदेश सभा बैठक बोलाइएको छ।

तर, बुधबारसम्म नयाँ मुख्यमन्त्री कुन पार्टीको हुने भन्ने यकिन भएको छैन। एमालेबाट विभाजित भएर बनेको नेकपा (एकीकृत समाजवादी)को संसदीय दलका नेता राजेन्द्र पाण्डे र नेपाली कांग्रेसको संसदीय दलका नेता इन्द्र बानियाँ दाबेदार देखिएका छन्।

यसअघि संघीय सरकारले पूर्णता पाएसँगै कांग्रेस संसदीय दलका नेता बानियाँ मुख्यमन्त्रीको दौडबाट बाहिरिएको चर्चा चलेको थियो। सत्तारूढ गठबन्धनबीच बागमतीमा एकीकृत समाजवादीलाई सरकारको नेतृत्व दिने सहमति भएको अड्कल गरिएको थियो। त्यसै अनुरुप, एकीकृत समाजवादीका नेता पाण्डेले सरकार गठनका लागि तयारी थालेका थिए।

तर, पछिल्लो समय कांग्रेस नेता बानियाँ पनि मुख्यमन्त्रीको दाबेदार रहेको कांग्रेस नेताहरू बताउँछन्। “सांसद बानियाँ मुख्यमन्त्रीको दौडबाट बाहिरिएका होइनन्, बलियो बन्दै छन्,” उनी निकट एक सांसदले भने।

कांग्रेस संसदीय दलका नेता बानियाँले पनि यसबारे पार्टीको आधिकारिक निर्णय हुन बाँकी रहेको प्रतिक्रिया दिए। “व्यक्तिगत रूपमा मैले भन्नुभन्दा पनि पार्टीको आधिकारिक धारणारनिर्णय आउन बाँकी छ। ४ कात्तिक बिहानसम्म पार्टीले केही नयाँ निर्णय गर्नेछ।” बाँनियाले भनेका छन् ।

कांग्रेसले साथ नदिने छनक पाए पनि एकीकृत समाजवादीले भने खासै तयारी गरेको छैन। एकीकृत समाजवादीले गठबन्धनको सहमतिमा पाण्डेलाई मुख्यमन्त्री बनाउने तयारी अगाडि बढाएको थियो। त्यसै अनुसार, गठबन्धनबाट धोका नहुने विश्वासमा आफूहरू रहेको एकीकृत समाजवादी केन्द्रीय सदस्य तथा प्रदेश सांसद मुनु सिग्देलको भनाइ छ।

मुख्यमन्त्री शाक्यले २४ असोजमा प्रदेश सभा बैठकमा विश्वासको मतको प्रस्ताव पेश गरेकी थिइन्। ४ कात्तिकमा बस्ने गरी बैठक स्थगित भएपछि विश्वासको प्रस्तावमाथि छलफल हुन सकेको थिएन।